MIRDITE - Një stuhi e fuqishme gjatë dimrit të ashpër të vitit 1998 u shembi shtëpinë dhe prej asaj kohe familja Picaku në Mirditë është pa një strehë.

Katër pjesëtarët e familjes nga Përlati gjatë gjithë këtyre viteve kanë jetuar në ambiente me qera sa në një vend në një tjerin, ndërsa asnjë nga instancat shtetërore në Rrëshen nuk iu erdhi në ndihmë.

Ndëkohë mungesës, një strehe për të futur kokën i shtohet edhe sëmundja e rrallë në kocka që ka prekur dy vajzat e mitura ndërsa të njëjtin fat ka dhe kryefamiljari i cili nuk është i aftë që të kryeje asnjë llojë pune.

Bardhokja, e zonja e shtëpisë rrefen se jeta e tyre është një kalvar vuajtjesh dhe mundimesh, teksa shton se pensioni pre 2400 lekësh i dy vajzave të saj është e vetmja e ardhur për familjen me katër anëtarë.

Nga ana tjeter kryefamiljari Agim Picaku thote se ka kërkuar ndihme që ti gjendet një strehë në të gjithë insitucionet përgjatë gjithë këtyre vitëve, por akush nuk i ka dhënë zgjidhje.

Sipas pas tijë me të ardhurat që ai ka është e pamundur që të jetohet, pasi shumicën e kohes ai dhe vajzat e tijë e kalojnë nëpër spitale.

Aktualisht 4 anëtarët e familjes Picaku jetojnë në një dhome 8 metra katrorë të cilën e kanë marrë me qera tek ish-Pallati i Oficerëve në qytetin e Rrëshenit, por sipas tyre kjo është vetëm një zgjidhje emergjente pasi e kanë të pamundur që të jetojnë në këto kushte.
 
Redaksia Online
(e.c/shqiptarja.com)