POP 5

Lajmet më të lexuara të 5 minutave të fundit

Kronikë

Mirditë/ Iu gjetën rreth 25 kg kanabis, kallashnikov dhe 2 radio policie gjatë kontrolleve në banesë e magazinë, arrestohen 2 vëllezërit

Policia ka arrestuar 2 vëllezër në Mirditë pasi gjatë kontrolleve në banesë e magazinë iu gjetën drogë, armë dhe radiomarrëse si të policisë.

MIRDITË-Policia ka arrestuar 2 vëllezër, pasi gjatë kontrolleve në banesë e magazinë iu gjetën kanabis, armë dhe radiomarrëse si të policisë.

Shërbimet e Komisariatit të Policisë Mirditë finalizuan operacionin policor të koduar “Double Strike”, ku në pranga kanë rënë vëllezërit Ilir Deda, 40-vjeç dhe Pashk Deda, 45-vjeç, banues në fshatin Kullaxhi.

Sipas policisë, nga kontrolli në magazinë u gjetën dhe u sekuestruan në cilësinë e provës materiale tre thasë me kanabis në formë boçeje, gjithsej 24.5 kilogramë, ndërsa nga kontrolli në banesë u gjetën dy armë zjarri ( kallashnikov e pushkë), 4 armë gjahu, 2 radio marrëse-dhënëse si të Policisë, 1 shkop gome, 1 shkop bejzbolli, 1297 fishekë luftarak dhe 17 fishekë çifteje.

‘Armët e zjarrit do dërgohen për ekspertim në Institutin e Policisë Shkencore për të parë nëse janë përdorur më parë për kryerje të veprave penale kundër personit’, njoftoi sot policia.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme për veprat penale “Mbajtja pa leje dhe prodhimi i armëve, armëve shpërthyese dhe i municionit” , “Prodhimi dhe mbajtja pa leje e armëve të gjuetisë dhe sportive”, “Prodhimi dhe shitja e narkotikëve”,  “Fshehja e të ardhurave”, “Mbajtja pa të drejtë e uniformës”,  kryer në bashkëpunim.

S.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57