MIRDITË- Një 68-vjeçar është goditur me makinë, ngjarje e cila dyshohet se është bërë me qëllim, e për pasojë ka ndërruar jetë. Një 68-vjeçar humbi jeten, pasi dyshohet se u përplas qëllimisht nga një automjet. Ngjarja ndodhi rreth orës 13:00 në fshatin Bungaj të Mirditës, ndërsa viktima është shtetasi Mark Gjeta 68-vjeç banues në Bungaj.
Ai u përplas nga një automjet tip "Benz" që drejtehej nga një bashkëfshatar i tij, shtetasti Mhill Gega 60-vjeç. Goditja ka qenë e fortë, duke i shkaktuar vdekjen e menjëhershme 68-vjeçarin Mark Gjeta, ndërsa policia shoqëroi në komisariat autorin e ngjarjes.
Sipas burimeve dy bashkëfshataret fillimisht janë konfliktuar me njëri tjetrin dhe më pas Mhill Gega i cili dyshohet të ketë qenë në gjendje të dehur ka marrë makinen dhe ka goditur për vdekje Mark Gjeta. Konfliktet mes autorit dhe viktimës ishin të vazhdueshme prej një viti.
![](https://shqiptarja.com/template/img/NO_ALFA_Kuadrate shqiptarja.png)
Policia e cila mbërriti menjëherë në vendin e ngjarjes bëri të mundur lokalizimin dhe kapjen e drejtuesit të mjetit që shkaktoi aksidentin e qëllimshem dhe ai pritet të merret në pyetje nga grupi hetimor për sqaruar më teper detaje mbi rrethanat e ngjarjes. Ndërkohë trupi i viktimës është dërguar në morgun e spitalit të Rrëshenit ku do ti nënshtrohet mjekësisë ligjore.
“Rreth orës 13:00 ,në fshatin Bungaj, Mirditë shtetasi M.G.,60 vjeç, ka goditur me automjetin e tij tip "Benz " shtetasin M.Gj.,68 vjeç, banues në fshatin Bungaj, Mirditë, ku për pasojë ka gjetur vdekjen. Nga sherbimet e Policisë Mirditë është kapur shtetasi M.G., dhe shoqëruar në Komisariatin e Policisë Mirditë, bashkë me automjetin për veprime të mëtejshme. Grupi hetimor në vendngjarje po punon për zbardhjen e sqarimin e plotë të shkakut dhe rrethanave të ngjarjes”, thuhet në njoftimin e policisë.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)