Nis seanca dëgjimore dëgjimore me Ministren e Kulturës Mirela Kumbaro te komisioni parlamentar i Medias dhe Mjeteve të Informimit Publik. Në seancë po diskutohet çështja e dëmtimeve të disa monumenteve të Kulturës për shkak të reshjeve të ditëve të fundit, të cilat sipas ministres janë 219 objekte të cilat rrezikohen nga erozioni, si dhe çështja për zhvendosjen e Teatrit Kombëtar nga vendi aktual te Teatri “Turbina”.

Seanca ka nisur me një minutë heshtje në nder të ish drejtorit të Galërisë së arteve, Gëzim Qendro, i cili u nda sot nga jeta për shkak të një sëmundje të rëndë.

Kryetarja e komisionit, Albana Vokshi tha se lista e objekteve në rrezik na i është vënë në dispozicion, ndërsa Kumbaro në lidhje me mungesën e saj nga komisioni i javës së kaluar i medias tha se: “S’kam qenë në komision për shkak të axhendës”. "Monumentet e dëmtuara për shkat të moti konsistojnë në: rrëzimin e urave dhe shkatërrimin e një mastiri 400 vjeçar, thellim çarje nëpër kalaja. Qeveria duhet ta parashikojë faktin që do të ketë reshje dhe të marrë masa paraprake", deklaron Vokshi. 

"Janë 219 monumente kulture në të gjithë vendin të cilat janë në rrezik. Për restaurimin e këtyre objekteve nevojiten 1.6 mln euro", u shpreh ministrja e Kulturës, Mirela Kumbaro.

"Janë hequr nga lista 20 objekte kulturore, prandaj kërkojmë listën", ka folur Vokshi, "Po zhdukni historinë, qëllimshëm po e bëni", ka shtuar ajo.

lista
(Lista e monumenteve të kulturës që rrezikojnë shembjen)

Inventari i Ministrisë së Kulturës 2014-2016

2297 objekte kulturore

106 - nuk ekzistonin fare në terren

52 - objekte të shkatërruara 

219 - në rrezik qëndrueshme nga erozioni

Bilanci: 12 milionë euro për t'i shpëtuar këto objekte kulturore

QARKU

NR. I MONUMENTEVE

VLERA E INVESTIMIT TË PROPOZUAR/LEKË

SHKODËR

18

34.800.000

DIBËR

11

14.650.000

LEZHË

7

9.000.000

KUKËS

10

24.300.000

TIRANË

9

111.000.000

DURRËS

7

59.300.000

ELBASAN

11

23.600.000

FIER

6

59.105.235

BERAT

37

189.511.835

GJIROKASTËR

53

711.174.834

KORÇË

26

169.255.224

VLORË

24

182.500.000

TOTAL

219

1.592.197.128

 

d.gj/ Shqiptarja.com