Misioni i ushtrisë amerikane në Siri me afat të pacaktuar

Shtëpia e Bardhë tha se misioni i ushtrisë amerikane në Siri po shkon kah një "fund i shpejtë", por nuk shpalli ndonjë afat kohor për tërheqjen e plotë të trupave.

Përmes një deklarate, ajo tha se grupi militant Shteti Islamik është pothuajse tërësisht i shkatërruar dhe se SHBA-ja do të konsultojë aleatët e saj lidhur me planet e ardhshme.

Presidenti Donald Trump ka deklaruar javën e kaluar se SHBA "do të tërhiqet nga Siria shumë shpejt".

LEXO EDHE:
Efektivët serbë zhveshin emigrantët sirianë në kufirin Serbi-Maqedoni e Veriut

Por, raportohet se këshilltarët e kanë bindur atë se mund të rrezikojë ringjalljen xhihadiste.

Një zyrtar i lartë amerikan i tha televizionit NBC se presidenti është pajtuar në një takim të martën që t'i mbajë trupat në Siri për një periudhë të pacaktuar, edhe pse nuk është shprehur i kënaqur me këtë vendim, përcjell REL.

"Presidenti e ka bërë të qartë pakënaqësinë e tij për çdo lloj pranie afatgjate në Siri", tha zyrtari.

Shtetet e Bashkuara kanë rreth 2,000 trupa në lindje të Sirisë, që mbështesin aleancën e milicive kurde dhe arabe, të quajtur Forcat Demokratike Siriane.

TAG:
• siriane
• Shtepia e Bardhe
• ushtria amerikane

Sondazhi i ditës:

Partia e Mitsotakis kandidon Fredi Belerin për eurodeputet, si e vlerësoni?

• Pozitive

  12.6%

• Negative

  80.9%

• Nuk e di

  6.5%

Vota total: 910

• Sondazhi i ditës:

  Partia e Mitsotakis kandidon Fredi Belerin për eurodeputet, si e vlerësoni?

  Pozitive Negative Nuk e di