POP 5

Lajmet më të lexuara të 5 minutave të fundit

Kultura

‘Mizantropi’ i Molierit nga studentët e regjisë tek ‘Artet’! ‘Artizanati sot’ në Muzeun Etnografik të Elbasanit! Nga nesër teatrot me shfaqje

Art, kulturë dhe spektakël, në vijim, rubrika “Ciceron”, ju njeh me aktivitetet që mund të ndiqni sot e nesër në Tiranë dhe disa qytete të vendit.

Në Muzeun Etnografik në Elbasan qëndron e hapur deri në 25 prill ekspozita “Artinazati sot”, ku disa artizane të zonës ekspozojnë punët e tyre.

Studentët e regjisë mbajnë sot në orën 19.00 në sallën “Black Box” të Universitetit të Arteve shfaqjen “Mizantropi”. Komedia e Molierit vihet në skenë nga Kostaq Kreci, Livion Aliaj dhe Alvis Hysaj.

Pret vizitorët deri në 10 maj në Qendrën për Hapje e Dialog në Kryeministri ekspozita personale e artistit Nazmi Hoxha “Dreams within a dream”.

Qëndron e hapur deri në 13 prill në galerinë “FAB” në Tiranë ekspozita e artistit Ilir Kaso “Ky nuk është një suvenir”.

Pret vizitorët deri në 5 maj në galerinë “Zeta” në Tiranë ekspozita “Petale të panumërta” si bashkëpunim i 6 artistëve shqiptarë e 5 artistëve të huaj.

Ekspozita "Felice Beato dhe Adolfo Farsari - Dy italianë në Lindjen e Largët" vijon e hapur deri në 27 prill në Muzeun "Marubi" në Shkodër.

Drama "Para Perëndimit" e nobelistit Gerhart Hauptman, me regji të Andia Xhungas e Indrit Çovanit, rikthehet nesër në orën 19.00 në teatrin "Metropol" në Tiranë me një kast të përzgjedhur aktorësh.

Ada Gurra vendos nga nesër në skenën e Operas, veprën “La Boheme” të Puçinit, me solistët, korin e të rriturve dhe fëmijëve si dhe Orkestrën Simfonike të Teatrit.

Shfaqja "Biznesmeni" me dramaturg Viktor Zhustin e regji të Gëzim Kames rikthehet nesër në orën 19.00 në Teatrin Kombëtar me një kast të përzgjedhur aktorësh.

Andi Begolli vendos nesër në orën 20.00 në skenën e Teatrit Eksperimental shfaqjen “Dashuritë e Presidentit” të Miro Gavran, me pjesëmarrjen e aktores Luiza Xhuvani.

SI.E./E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46