POP 5

Lajmet më të lexuara të 5 minutave të fundit

Arkiva

Mjekët: Vaksina kundër fruthit nuk shkakton autizmin tek fëmijët

TIRANË, 25 Prill/ATSH-Z.Tosku/-Vaksina kundër fruthit që bëhet për fëmijët në moshën 1-vjeçare, nuk përbën asnjë rrezik për shfaqjen e autizmit tek fëmijët. Së fundmi ka patur një ngurim nga ana e prinderve lidhur me vaksinen e fruthit, që mund te jete shkaktare e autizmit, ndaj ka prej tyre qe nuk ua bëjnë vaksinën fëmijëve të […]
/ATSH-Z.Tosku/-Vaksina kundër fruthit që bëhet për fëmijët në moshën 1-vjeçare, nuk përbën asnjë rrezik për shfaqjen e autizmit tek fëmijët.
Së fundmi ka patur një ngurim nga ana e prinderve lidhur me vaksinen e fruthit, që mund te jete shkaktare e autizmit, ndaj ka prej tyre qe nuk ua bëjnë vaksinën fëmijëve të tyre.
Por, Drejtoresha e Departamentit të Kontrollit të Sëmundjeve Infektive në ISHP, Silva Bino, e hedh poshtë këtë tezë , duke theksuar se vaksina e fruthit është e domosdoshme për shëndetin e fëmijëve. "Shtyrja e vaksinave bën që fëmija të jetë i ekspozuar ndaj sëmundjes. Le ta themi qartë njëherë e mirë se nuk ka lidhje të vaksinës së fruthit me autizmin, kjo frike që i tremb nënat. Janë bërë studime të shumta tashmë që vërtetojnë se nuk ekziston një lidhje e tillë", sqaron Bino.
Veç kësaj, ajo thekson se vaksinat që përdoren janë të sigurta dhe të kontrolluara nga OBSH-ja. "Vaksinat që përdoren në kalendarin kombëtar të vaksinimit janë të sigurta dhe parakualifikuara nga Organizata Botërore e Shëndetësisë. Veç kësaj, ajo këshillon të gjithë prindërit që të ndjekin me përpikëri kalendarin kombëtar të vaksinimit, sepse në këtë mënyrë i mbrojnë fëmijët e tyre nga rreziqet e mundshme.
Ndërkaq, në kuadër të javës evropiane të vaksinimit, Ministria e Shëndetësisë zhvilloi një konferencë për shtyp. Ministri i Shëndetësisë, Ilir Beqaj, u bëri thirrje institucioneve shëndetësore të ofrojnë kushte dhe mundësi për vaksinimin e të gjithë popullatës. Gjithashtu, kreu i Shëndetësisë u shpreh se vendi ynë ka një mbulim të lartë të vaksinimit. "Vaksinimi është e drejtë themelore e fëmijëve. Institucionet e sistemit të kujdesit shëndetësor kanë detyrimin t'ua ofrojnë dhe të krijojnë kushte që ky shërbim të ofrohet kudo, të jetë i sigurt, pavarësisht kushteve social-ekonomike të familjeve apo vendbanimit. Në vendin tonë kjo mbulesë është mbi 97%, për çdo vaksinë të kalendarit kombëtar, për çdo komunitet, anekënd territorit të vendit", tha Ilir Beqaj, ministër i Shëndetësisë.
 
 

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46