Mjeshtri i koreografisë Angjelin
Preljocaj, në Tiranë për “Dasmën"
Angjelin Preljocaj balerini franko-shqiptar, mjeshtri i koreografisë botërore nesër vjen në Tiranë. Nëse e pyet për origjinën e tij ai thotë se shtëpia e tij janë Opera Garnier-Paris, Balshoi Teatër- Moskë, La Scala-Milano, Opera gjermane e Berlinit, New York City Balet, etj.
Angjelin Preljocaj balerini franko-shqiptar, mjeshtri i koreografisë botërore nesër vjen në Tiranë. Nëse e pyet për origjinën e tij ai thotë se shtëpia e tij janë Opera Garnier-Paris, Balshoi Teatër- Moskë, La Scala-Milano, Opera gjermane e Berlinit, New York City Balet, etj. Pasaporta e tij është franceze. Zemra e tij është shqiptare. Në vitin 1957 ai ishte ende në barkun e nënës së tij Lize Preljocaj, ndërsa familja e tij arratisej nga Vermoshi. Lindi dy javë më pas, në Paris, dhe mori shtetësinë franceze. Në Francë mësoi baletin, ku fluturoi në skenë bashkë me famën. Të tjerat dihen mirë, sepse u bënë dhjetëra botime, mijëra shkrime për të. Para disa vitesh edhe shkrimtari i madh Ismail Kadare i frymëzuar nga fama e tij në Paris e takimi me të shkroi librin “Kushëriri i engjëjve”.
Angjelin Preljocaj do të ngjisë në skenën e Teatrit Kombëtar të Operas dhe Baletit performancën koreografike “Dasma”, provat e të cilës janë zhvilluar këto ditë nga asistentja e tij Noemi Perlov . Kjo është një premierë që ai e ka ngjitur në skenë në vitin 1994 në Paris. “Dasma”, me muzikë të Stravinkskit është bërë sipas stilit shqiptar.
Me ritet shqiptare. Kjo, dasma shqiptare më ka frymëzuar shumë për të krijuar dasmën me muzikën të Stravinskit.”, është shprehur Preljocaj. Ai nuk lindi në Shqipëri, por nuk e harron gjakun shqiptar, prindërit e tij. “Jam francez, sepse kam lindur në Francë, dhe kam kombësinë franceze në letra. Por nuk harroj kurrë të them që jam shqiptar. Babai im është shqiptar, nëna ime është shqiptare. Të dy janë shqiptarë. E kam gjakun shqiptar, e s'mund ta harroj këtë të vërtetë.”, ka thënë Preljocaj. Është një trashëgimi që ai di ta konvertojë në art, si te baleti “Dasma”, që do të të shfaqet në datat 7, 8, 9 nëntor në orën 19:00. Programi i shfaqjes do të hapet me “La stravaganza”, tashmë pjesë e repertorit te TKOB dhe do të vazhdojë më pas me premierën e “Dasma”.
Angjelin Preljocaj ishte ne Tirane në maj te vitit të shkuar ku prezantoi dy shfaqje “La Stravaganza” dhe “Royaume Uni”. Prelocaj e përshkruan baletin “Dasma” si një nga krijimet e tij,që është frymëzuar drejtpërdrejte nga trashëgimia e shqiptarëve. Ai është shprehur se: “Baleti ‘Dasma’ që u realizua nga eksperienca ime nga ajo që unë kisha parë në dasmat që organizoheshin në familjen time, sidomos në Mal të Zi ku kam dhe anëtarë të familjes sime. Kjo është një vepër tërësisht shqiptare, por shqiptarizmi im mund të ndihet jo vetëm aty, por dhe në vepra të tjera të miat. Unë jam thellësisht i lidhur me vendin e origjinës çdo pjesë e imja e vënë në skenë në mënyrë direkte ose jo, reflekton brendinë time dhe origjinën time”, shprehet ai. Koreografi Angjelin Preljocaj do të jetë në Tiranë nesër në orën 12.00, ku do të organizohet edhe një konference për mediat në praninë e tij, përfaqësuesve të Ambasadës Franceze dhe Ministrisë së Kulturës, etj.
Sondazhi i ditës:
A respektohen të drejtat e punëtorëve në Shqipëri?
-
Po
23%
-
Jo
23.5%
-
Nuk e di
53.5%
Vota total: 11441
Lajme të tjera
-
Qeveria ndan 1.1 milionë euro për komunitetet fetare në Shqipëri, ja sa përfiton secili
2 Maj, 19:56
-
Në sheshin ‘Skënderbej’ Kolë dhe Beatriçe, dy shkodranët që sjellin muzikën e traditës në kohë! U bashkohet Redi Hasa: Më thërret tabani, e kam në gjak!
2 Maj, 19:48
-
Spiropali akuza opozitës për drejtësinë: Jeni me dy standarde; Armiqtë në litar, shokët e partisë të lirohen menjëherë
2 Maj, 19:32
-
OKB: Rindërtimi i Gazës do të kushtojë 30-40 miliardë dollarë
2 Maj, 19:25
-
Serbia injoron ndërkombëtarët, zgjidhet qeveria e re pas disa orësh debatesh të forta! Pjesë edhe 2 zyrtarë non grata nga DASH
2 Maj, 19:15
-
Begaj merr pjesë në inagurimin e murales së Skënderbeut dhe bashkisë së re të Cerzeto-s
2 Maj, 19:05
-
Pas nderimit të Ali Ahmetit, Rama në zyrën e Veliajt/ Artan Grubi publikon foton: Mikpritje vëllazërore
2 Maj, 19:03
-
'Ministri më i ndershëm i të gjitha kohërave ka qenë Erion Braçe', deputeti i PS 'shpërthen' në të qeshura
2 Maj, 18:36
-
Turizmi dhe tregtia rritën besimin në ekonomi gjatë prillit! BSH: Sektori i ndërtimit raporton për rënie të porosive
2 Maj, 18:23
-
Romeo Kara: SPAK ta kishte kapur Metën dhe bandën e tij prej veshësh në majë të paraleles! S’ka lënë të zezë pa bërë, i duket vetja i paprekshëm
2 Maj, 18:17
-
Vrasja e kryekomisar Adem Tahiraj nga ‘i forti i Shijakut’, Gjykata konsideron shpalljen fajtor të dy policëve që nuk ndërhynë për të ndaluar ngjarjen
2 Maj, 18:09
-
Aerodromi i Gjirokastrës kthehet në qendër të turizmit sportiv
2 Maj, 17:51