POP 5

Lajmet më të lexuara të 5 minutave të fundit

Politikë

Mandati i Xhaçkës, PS rrëzon kërkesën e opozitës! Bushka: S’ka shkelje! PD: Shkojmë në ‘Kushtetuese’! S’na ndaloni me forcën e kartonit

Mazhoranca nuk dërgon në ‘Kushtetuese’ mandatin e deputetes Xhaçka. Ky është vendimi i shumica socialiste në Këshillin e Rregullores e Mandateve, duke rrëzuar akuzat e opozitës se Xhaçka përfitoi pasuri publike nga pozicioni i saj si deputete. Por pavarësisht vendimit të PS, PD pritet t’i drejtohet Gjykatës Kushtetuese.

TIRANË- Drejt rrëzimit kërkesa e opozitës për ndërprerjen e mandatit të deputetes Olta Xhaçka. Mazhoranca i sheh të jo të bazuara akuzat e opozitës, e cila pretendon se Deputetja Socialiste ka përfituar pasuri shtetërore nga pozicioni i saj si ligjvënëse në Kuvendin e Shqipërisë.

“Nuk rezulton që për deputeten Olta Xhaçka dhe bashkëshortin e saj të plotësohet shkelja e pikës 3 të nenit 70. Kjo shoqëri ka marrë leje ndërtimi në truall privat, e s’ka kontratë me autoritet publike. Në këto kushte shumica vlerëson dhe konkludon se s’ka çështje për ti dërguar gjykatës kushtetuese për shqyrtim. Ne i propozojmë mos dërgimin e këtij mocioni në Gjykatën Kushtetuese”, tha Klotilda Bushka, deputete e Partisë Socialiste.

Deputeti i Partisë Demokratike, Gazment Bardhi, duke prezantuar konkluzionet e opozitës, në Këshillin e Rregullores dhe Mandateve garantoi se pavarësisht vendimit të mazhorancës, opozita do trokas në dyert e Gjykatës Kushtetuese.

“Keni marrë në mbrojtje kolegen tuaj. Kuvendi nuk i’a nënshtron debatit parlamentar, por vlerëson vetëm formalisht dhe i dërgon gjykatës kushtetuese mocionin. Nuk na ndaloni dot me forcën e kartonit të çojmë në kushtetuese mandatin e Xhaçkës”, tha deputeti i Partisë Demorkatike, Gazment Bardhi.

Kësisoj duket se palët nuk kanë dakortësi dhe në përfundim të punës së nisur në Korrik, Këshilli i Mandateve dhe Rregullores do t’i dërgoi dy raporte përfundimtare Kuvendit, që pritet t’i marri në shqyrtim në seancën plenare të të enjtes së javës së ardhshme.  Opozita akuzon Xhaçkën se ka përfituar nga pozicioni i deputetes për të marrë të mira publike në favor të bashkëshortit të saj, ndërsa mazhoranca nënvizon se sipas saj ky pretendim nuk verifikohet, pasi investimi për të cilin akuzohet Xhaçka është kryer në pronë private.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Të burgosur prej vitesh në Kinë, lirohen tre amerikanët e burgosur, marrëveshja e rrallë diplomatike me Pekinin

Të burgosur prej vitesh në Kinë, lirohen tre amerikanët e burgosur, marrëveshja e rrallë diplomatike me Pekinin

27 Nëntor, 22:19