Në Laç pati banesa të shumta të dëmtuara, ku shumë prej tyre janë shpallur të pabanueshëm nga ekspertët. Por, teksa kryeministri Rama po lëvizte në këmbë, ai pa disa banorë që vazhdonin të qëndronin akoma në një pallat që ishte shpallur i pabanueshëm.
Kjo ka bërë që Rama të urdhërojë zbritjen e tyre nga pallati dhe marrjen e banesave me qira, e në rast kundërshtimi ai ka sugjeruar edhe nxjerrjen me forcë nga këto banesa.
Kreu i qeverisi premtoi se deri në pranverë do të jetë gati edhe spitali i ri, i cili do të ndërtohet pas dëmtimit nga tërmeti i fuqishëm i 26 nëntorit.
Kreu i Partisë Demokratike, Lulzim Basha ka qenë ditën e sotme në Kurbin ku është takuar me disa prej banorëve të prekur nga tërmeti. Një prej banorëve është takuar më herët me kryeministrin Rama, por sipas tij nuk i ka gjetur zgjidhjen.
Basha: Ke dalë nga shpia?
Banori: Po
Basha: Të kanë gjetur shtëpi?
Banori: Jo kurrkund, e kam gjetur vetë.
Basha: Dhe është shënuar tek Bashkia që të ka prekur tërmeti shtëpinë
Banori: Po
Basha: Nuk ju paguajnë qiranë?
Banori: Jo, deri dje kryeministri tha do të paguajmë qiranë, askurrgjë. Ndoshta ju s'doni ta dini mbase fare pë romët, po na largoni jashtë shtetit të paktën, mos na mbani këtu.
Basha: Për mua t'i je shqiptar si gjithë shqiptarët e tjerë dhe shteti ka çdo detyrim ndaj tej siç ka ndaj çdo shqiptare. Nuk hyn fare ajo që thua. Kam takuar 50 veta dhe asnjëri nuk ka marrë ndihmë nga shteti.
Biseda që ka bërë më herët me kryeministrin Rama
Banori: Të bëhet një pallat dhe të lihet për 25 vite me qira.
Rama: Të është prishur shpia, do e rregullojmë.
Banori: Po e merr pronari
Rama: Do ia rregullojmë pronarit dhe ai do të ta lërë ty shtëpinë me qira.
Kreu i PD Lulzim Basha vizitoi ditën e sotme 50 familje të strehuara në Kishën e Shën Mhillit në Laç. Basha akuzoi qeverinë se nuk ka angazhuar në terren inxhinierët me eksperiencë për të kryer verifikimin e objekteve, sepse do të manipulojë rezultatin e tyre. Basha thotë se kjo neglizhencë solli viktima në Durrës dhe Thumanë pas tërmetit të 26 Nëntorit.
"Kisha 100 vjeçare e Shën Mhillit në Laç, prej 18 ditësh siguron ushqim dhe strehon 50 familje në oborrin e saj, për të cilat nuk është kujdesur askush.
Vetë ndërtesa e kishës ka pësuar dëme të mëdha. Edhe pse kanë kërkuar ndihmë urgjente pasi një pjesë e saj, rrezikon të shembet duke rrezikuar kështu jetën e shërbyesve të Zotit dhe të besimtarëve ende askush nuk i ka ndihmuar.
Mirënjohje për ekspertët që i janë përgjigjur thirrjes se opozitës për të bërë një vlerësim të gjendjes së kishës. Por natyrisht është detyrimi i shtetit të bëjë vlerësimin dhe të japë zgjidhje për çdo objekt.
Në këtë zonë askush përvec kishës dhe vullnetarëve nuk u ka ardhur në ndihmë fëmijëve, të moshuarve, grave dhe burrave që tërmeti dhe qeveria i ka lënë jashtë, në qiell të hapur. Tërmeti nuk i ndau njerëzit, por qeveria po i ndan. Trajtimi preferencial dhe partiak apo në bazë të miqësive, është ankesa e përditshme në cdo zonë të goditur nga tragjedia.
Çdo ditë po del më qartë e më shqetësuese mënyra se si janë vlerësuar objektet. Vlerësime të ndryshme për një objekt, verifikime me mjete qesharake nga punonjës te administratës pa asnjë kualifikim, janë kthyer në kembanë alarmi për rrezikun që u kanoset banorëve në qindra banesa.
Është kriminale që qeveria të rrezikojë jetën e qytetarëve vetëm që të mos prekë lekët që u jep oligarkëve.
Kjo është dhe arsyeja pse qeveria nuk angazhoi rreth 500 inxhinierë me eksperiencë për të kryer verifikimin e objekteve. Sepse rezultati duhet të jetë sipas interesit të qeverisë dhe jo sipas realitetit.
Është pikërisht kjo neglizhencë kriminale që solli viktima ne Thumanë e Durrës me 26 nëntor. Nëse do të merreshin masa pas tërmetit te 21 shtatorit, shumë jetë do ishin shpëtuar.
Propaganda, korrupsioni dhe paaftësia po kërcënojnë seriozisht edhe sot sigurinë e mijëra banorëve që po vuajnë edhe për bukën e gojës", shkruan Basha.
Gjatë një inspektimi që kryeministri Edi Rama ka bërë në disa pallate të pabanueshme, ka parë disa persona që qëndronin akoma në këto pallate.
Rama u ka kërkuar atyre që të marrin plaçkat dhe të shkojnë në hotel ose në shtëpi me qira, që do t’i paguajë shteti.
“Zbrit poshtë, hajde zemër. O Zot!”- është drejtuar kryeministri Rama banores që po qëndronte ende në pallat.
Ai i ka bindur banorët që ende po qëndronin në pallat, që të shkonin në hotel ose të gjenin shtëpi me qira.
“Hajde. Bëni placket, do t’ju marrin t’ju çojnë në hotel deri në momentin që gjeni një shtëpi me qira.”-tha Rama.
Teksa Rama po bisedonte me 4 të moshuar, një i ri ka zbritur nga kati i katërt i pallatit, ku kishte edhe këmbën e thyer.
Kreu i Qeverisë, i ka kërkuar të riut që të mos rrijë më në pallat por të dalë sepse është e rrezikshme.
Spitali i Laçit pësoi dëmtime të shumta si pasojë e tërmetit të 26 nëntorit, ndërsa ditën e sotme kryeministri Rama premtoi se ndërtesa do të shembet dhe të ndërtohet nga e para.
Duke folur me mjekët dhe stafin e spitalit, Rama u shpreh se në pranverë do të kenë spital të ri.
“Do ta prishim spitalin dhe shumë shpejtë do të ndërtojmë. Ju e mbani në këmbë dinjitetin e laçit, se burrat janë…e dini ju. Do të behet një projekt i madh për Laçin. Spitali do të jetë i pari që do të ndërtohet. Besoj që deri në fund të pranverës, do të ndërtohet spitali i ri.”-tha Rama.
Kryeministri Edi Rama, ka parë nga afër situatën në Laç, për tërmetit të 26 nëntorit, ku mbetën të vdekur disa persona, shumë të tjerë u plagosën dhe të shumta ishin banesat që u dëmtua.
Teksa kryeministri Rama po ecte në këmbë duke parë dëmet që kishte shkaktuar tërmetit, në një pallat që ishte shpallur i pabanueshëm, po qëndronin disa gra.
Kreu i qeverisë, u është drejtuar atyre duke i pyetur se përse qëndronin akoma atje, por ata kanë pretenduar se në hotel nuk ka pasur vende.
Rama: Pse rrini aty? Të shkoni aty ku ju kemi thënë
Banorja: Kemi ikur se nuk ka vende
Rama: Të merrni bonusin e qirasë dhe të shkoni. Hajde se ju nxjerrim ne me polici
Nga ana tjetër, zyrtarët janë ankuar se disa banorë heqin letrat gjatë natës të ekspertëve, të cilët i kanë shpallur zonat të pabanueshme.
Komente
Lajme të tjera
-
Renditja/ Keko mjafton kundër Laçit, Partizani rigjen kreun e Superligës! AF Elbasani dhe Tirana barazojnë 1-1, Egnatia fiton në Ballsh
24 Nëntor, 19:10 -
Basha për takimin dhe antimitingun në Londër: Turp e faqja e zezë për Ramën dhe Berishën! Ata i duan shqiptarët mish për top, pazare dhe për pushtetin e tyre
24 Nëntor, 18:20 -
Takimi i Ramës në Londër/ Parashikimi i Spahiut për diasporën në Report TV: Maksimumi 6-7% e emigrantëve do votojnë në zgjedhjet e 2025!
24 Nëntor, 15:47 -
Turi me diasporën/ 'Diversantët' e Berishës 'të infiltruar' në takim! Rama: Opozita nxit akte antishqiptare në tokë të huaj! Po motivohen protesta kundër qeverisë
24 Nëntor, 13:55 -
Militantë të Berishës protestojnë kundër Ramës në Londër (VIDEO)
24 Nëntor, 12:59 -
'Çifti nga qyteti' që zgjodhën për të investuar në Zhulat të Gjirokastrës, Rama: 'Paketa e Maleve', mbështetje për turizmin
23 Nëntor, 09:49 -
Rama njofton takimin me Diasporën të dielën në Londër: Radha me shqiptarët e Britanisë së Madhe, në rrugën drejt Shqipërisë 2030!
22 Nëntor, 18:09 -
Komisioni Evropian mirëpret përfshirjen e Shqipërisë në zonën unike Euro (SEPA): Një hap përpara në integrimin drejt BE!
22 Nëntor, 16:44 -
Akademia Politike e PS-së, Rama: Më shumë të rinj që duan të angazhohen
22 Nëntor, 13:32 -
Reagimet e politikës për Ditën e Alfabetit! Rama: Gjuhën ta duam e përcjellim! Begaj: Simbol i bashkimit kombëtar! Basha: Prioritet për emigrantët
22 Nëntor, 08:56 -
Dita Kombëtare e Alfabeti/ Publikohet drafti i fjalorit të Gjuhës Shqipe, 120 mijë fjalë! Gjinushi: U morën 25 hartues
22 Nëntor, 08:01 -
Vrasja e 14 vjeçarit pranë shkollës 'Fan Noli', qytetarët pro nismës së mbylljes së TikTok dhe Snapchat
21 Nëntor, 18:10
PO MOR RAMAZON PO,,BEHEN SHTEPI ,SPITALE,PALLATE PER TRE MUAJ ,,I BEN TI me frymen e shejte...a pika qe s'te bie...
PërgjigjuCne
Përgjigju