POP 5

Lajmet më të lexuara të 5 minutave të fundit

Sport

Modric në qiellin e shtatë: ‘Topi i Artë’ maksimumi, ja për kë votoi Besnik Dizdari

Luka Modric fiton “Topin e Artë” 2018 duke i dhënë fund një epoke të dominuar nga Messi dhe Ronaldo. Mesfushori kroat triumfoi në çmimin prestigjoz individual të revistës “France Football” me votat e 176 gazetarëve. Këtë vit Modric fitoi çdo çmim individual ndërsa gazetari shqiptar Besnik Dizdari pikët maksimale ja dha francezit Grizman.

Modric në qiellin e shtatë: ‘Topi i Artë’ maksimumi, ja për kë votoi Besnik Dizdari

Luca Modric

Fundi i një epoke. Luka Modric fiton “Topin e Artë” 2018 çmimin prestigjoz individual duke i dhënë fund dominimit dhjetëvjeçar të Leo Messit dhe Cristiano Ronaldos. Kroati ishte Mbreti i mbrëmjes dhe triumfuesi i “Topit të Artë” që jepet nga revista “France Football”.

Mesfushori i Real Madrid u rendit i pari nga votat e 176 gazetarëve nga e gjithë bota duke grumbulluar 753 pikë. Pas Modric në podium u renditën Cristiano Ronaldo me thuajse gjysmën e pikëve 476 dhe Griezmann me 414 pikë. Në vendin e katërt u rendit Mbappe që fitoi edhe çmimin Kopa si i riu më i mirë ndërsa vetëm vendi i pestë për Leo Messin që ngelet jashtë podiumit për herë të parë pas 11 vitesh.

2018-ta ishte viti i Modric që rrëmbeu çdo trofe të mundshëm individual. Përpara se të fitonte “Topin e Artë” nga “France Football” ballkansi ishte zgjedhur edhe si futbollisti më i mirë nga FIFA dhe UEFA, lojtari më i mirë nga Instituti i Historisë dhe Statistikave dhe si lojtari më i mirë i Kupës së Botës.

Modric fitoi Championsin me Realin dhe dërgoi Kroacinë në finalen e Kupës së Botës. Modric mëse i lumtur me “Topin e Artë” në duar tha në ceremoninë e zhvilluar në Paris.

“Është një nder dhe nuk kam fjalë ta përshkruaj këtë moment. Dua të falenderoj të gjithë të pranishmit, Real Madrid, Kombëtaren time dhe familjen. Kur je fëmijë ke ëndrra dhe e imja ishte që të luaja në një klub të madh dhe të fitoja trofe por “Topi i Artë” është maksimumi” e mbyll Modric.

Besnik Dizdari ishte gazetari shqiptar që votoi për “Topin e Artë” duke i dhënë pikët maksimale francezit Griezmann dhe më pas renditja e tij vijon me Modric, Ronaldo, Messi dhe MBappe.
 

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 8 Janar, 13:30

    Deri në 700 kWh ulet me 1 lekë çmimi i energjisë për familjet, si ju duket?

Lajme të tjera



×

Lajmi i fundit

Presidenti amerikan Biden shton sanksionet për zyrtarët dhe ish-zyrtarët që destabilizojnë Ballkanin Perëndimor, ose që janë të përfshirë në korrupsion

Presidenti amerikan Biden shton sanksionet për zyrtarët dhe ish-zyrtarët që destabilizojnë Ballkanin Perëndimor, ose që janë të përfshirë në korrupsion

8 Janar, 20:56