POP 5

Lajmet më të lexuara të 5 minutave të fundit

Sport

Moggi i ofron drejtimin e Partizanit
ish-juventinit Mark Iuliano

Gjatë ditës së sotme në klubin e Partizanit është folur për një tjetër emër të njohur, bëhet fjalë për ish-futbollistin e Juventusit, Mark Juliano, i cili pretendohet se do të jetë zëvendësuesi i Starovës.
Drejtori teknik i klubit të Partizanit, Luçiano Moggi, pas dorëheqjes së Starovës, ka shfaqur tendencën për të afruar kandidatura të njohura për të marrë në dorë drejtimin e “demave të kuq”, një ndër emrat e përfolur ishte dhe Franko Kolomba.

Gjatë ditës së sotme në klubin e Partizanit është folur për një tjetër emër të njohur, bëhet fjalë për ish-futbollistin e Juventusit, Mark Iuliano, i cili pretendohet se do të jetë zëvendësuesi i Starovës.

Mark Iuliano prej disa vitesh ka ka nisur karrierën e trajnerit, ku ka patur disa eksperienca në kampionatin Italian, me ekipe të kategorive të ulëta.

Iuliano ka luajtur me juventusin për 9 vite nga 1996 deri në 2005, me të cilën ka luajtur 187 ndeshje nga të cilat ka shënuar 7 gola pavarësisht rolit të tij si mbrojtës.

Pas largimit nga Juventus, ai luajti në disa skuadra si Sampdoria, Ravena, Reall Mallorca, etj dhe e mbylli karrierën në 2012 tek San Genesio, ekip që luan në kategoritë e ulëta të kampionatit Italian.

Karrierën si trajner ai e filloi me të rinjtë e Pavias dhe Latinës, deri në 2015 ku mori në drejtim ekipin e parë të Latinës.

Për rreth dy vjet Iualiano ka qënë pa skuadër, deri në majin e këtij viti kur firmosi me ekipin e Komos, por si duket drejtori teknik i “demave të kuq” e ka bindur të vijë në Shqipëri.

Në ambientet e klubit kryeqytetas flitet se Iuliano, është në negociata me Moggin dhe se së shpejti do të ketë një përgjigje nëse ish-juventini do të zërë vendin e Starovës.
 
Redaksia Online
Er.K/Shqiptarja.com

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Sot finalja e Superkupës së Spanjës dhuron një 'El Clasico', formacionet zyrtare të Real Madrid - Barcelona! Flick ka gati Olmon

Sot finalja e Superkupës së Spanjës dhuron një 'El Clasico', formacionet zyrtare të Real Madrid - Barcelona! Flick ka gati Olmon

12 Janar, 19:16