POP 5

Lajmet më të lexuara të 5 minutave të fundit

Kronikë

Udhëheqësit e Ballkanit Perëndimor solidarizohen me Shqipërinë

Mogherini dhe përfaqësuesit nga rajoni i Ballkanit Perëndimor, diskutuan mbi përparimet thelbësore të arritur deri tani, si dhe për detyrat për të ardhmen.

Udhëheqësit e Ballkanit Perëndimor solidarizohen me Shqipërinë

Përfaqësuesja e lartë për politikën e Jashtme dhe të Sigurisë së Bashkimit Europian, Federica Mogherini, priti të dielën në mbrëmjes drejtuesit e Ballkanit Perëndimor në një darkë tradicionale pune, pak para nisjes së asamblesë së 74-të të përgjithshme të Këshillit të Bashkuar në Nju Jork.

Në këtë takim, ishin në pranishëm kryeministri i Maqedonisë së Veriut, Zoran Zaev, ministri i Jashtëm i Serbisë, Ivica Daçiç, Presidenti i Kosovës, Hashim Thaçi, ministri në detyrë i Punëve të Jashtme të Shqipërisë, Gent Cakaj.

Nuk ka munguar solidariteti i Përfaqësueses së Lartë të BE-së dhe drejtuesve të Ballkanit Perëndimor për situatën e krijuar nga një seri tërmetesh ditët e fundit në Shqipëri.

Mogherini dhe përfaqësuesit nga rajoni i Ballkanit Perëndimor, diskutuan po ashtu edhe mbi përparimet thelbësore të arritur deri tani, si dhe për detyrat për të ardhmen.

Gjatë takimit, u shpreh mbështetja për hapjen e negociatave të anëtarësimit të Maqedonisë së Veriut dhe Shqipërisë në Bashkimin Europian, duke nënvizuar se ky vendim është thelbësor jo vetëm për të dy vendet në fjalë, por për të gjithë rajonin dhe për Bashkimin Europian.

Një çështje tjetër që është diskutuar në këtë darkë pune ka qenë edhe raporti Serbi-Kosovë, ku është nënvizuar nevoja e vazhdimit të dialogut mes dy vendeve si dhe për një marrëveshje juridikisht detyrues për normalizimin e plotë të marrëdhënieve.

Në një njoftim të shpërndarë për mediat në faqen zyrtare të BE-së, thuhet se të gjithë partnerët e Ballkanit Perëndimor konfirmuan angazhimin e tyre të fortë për perspektivën në rrugën e BE-së.

Ata kanë theksuar se puna për reformat vazhdon, si dhe bashkëpunimi rajonal dhe marrëdhëniet e fqinjësisë së mirë.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 5 Shkurt, 10:32

    Informaliteti e nëndeklarimi pagave po dëmtojnë pensionet, sa po luftohen?

Lajme të tjera



×

Lajmi i fundit

Mero Baze: Gjunjëzimi i PD para 'Kandidatit për Kryeministër'

Mero Baze: Gjunjëzimi i PD para 'Kandidatit për Kryeministër'

5 Shkurt, 23:02 nga Mero Baze