Moldavi, oartitë proevropiane para atyre proruse në zgjedhjet legjislative

/ATSH-AFP/ - Partitë proevropiane kanë parakaluar lehtë patitë proruse gjatë legjislativeve në Moldavi, sipas rezultateve zyrtare të publikuara sot.
Në mungesë të një maxhorance, fituesit duhet të bien dakort me njëri tjetrin për të formuar një koalicion.

Pas numërimit të 87,7 për qind të votave, tre partitë që përkrahin hyrjen në BE kanë marrë 44 për qind të votave.

Ndërsa nga ana tjetër opozita proruse ka marrë 40 për qind të votave.
Partia Socilaiste, një formacion që përkrah afrimin me Rusinë nëpërmjet Bashkimit Doganor, ka dalë në krye me 21,6 për qind të votave, para Partisë Liberaldemokrate (19,3 për qind), një lëvizje proevropiane.

Komunistët, që shiheshin si favoritët e këtij votimi, arritën të tretët me 17,8 për qind.

Rreth 3,1 milionë votues ishin thërritur të dielën që të zgjidhnin 101 deputetë në Parlamentin që zgjidhet me votim proporcional për katër vite, por pjesëmarrja ishte shumë e ulët (39 për qind).

Moldavia, ashtu si Ukraina, është e ndarë mes BE-së dhe Rusisë. Ajo po njeh gjithashtu prej shumë kohësh me territorin separatist të Transdnistrisë të njëjtën situatë që Ukraina është duke u përballur aktualisht. Të menaxhojë situatën për shkëputjen e një territori që kërkohet nga Moska.

Vendi aktualisht drejtohet nga një koalicion proevropian, por partitë kryesore opozitare, Partia Komuniste dhe Partia Socialiste, shpresojnë të përforcojnë bashkëpunimin me Rusinë dhe të anullojnë marrëveshjen e asocimit të nënshkruar në gusht me BE-në.

Zgjedhjet u vëzhguan nga më shumë se 700 vëzhgues ndërkombëtarë, ku edhe ata të OSBE-së, që do të paraqesin përfundimet e tyre sot në mesditë mbi zhvillimin e votimeve.

TAG:
• OSBE