Deputeti i Partisë Socialiste, Erion Braçe ka reaguar për molotovët që u përdorën në protestën e Rithemelimit ditën e djeshme. Nëpërmjet një videoje të postuar në rrjetet sociale, Braçe shprehet se që prej vitit 1998, molotovi përdoret si armë ndaj policëve nga militantët dhe mbështetësit e ish-kryeministrit Sali Berisha.

“Fotot janë të djeshmet, të protestës së djeshme për 3 vrasës në mbrojtjetë 3 vrasësve në bulevard. Qëllimi pse ua tregova këtë foto ka të bëjë me faktin që molotovi që kalon mbi kokën e policëve, shërbyesve të shtetit, është armë. Nuk është as fishekzjarr, as shashkë, është armë që po përdoret në mënyrë konsistente që nga viti 1998 e deri tani më 20 shkurt të 2024-ës, nga një parti, nga një individ i quajtur Sali Berisha”- tha Braçe.

Braçe solli në vëmendje faktin që përdorimi i molotovëve është nxitur nga presidenti serb Aleksandër Vuçiç i cili u ka bërë thirrje serbëve në veri të Kosovës që ta përdorin kundrejt policisë. Deputeti tha se molotovi është ‘ADN’ e grupit të drejtuar nga Berisha dhe theksoi se që prej 1998-ës, një lëndë e tillë nuk është hetuar kurrë si armë.

“Nuk e di pse më shkoi dje në mendje, por molotovi sugjerohej nga bandat e Vuçiç dhe Radoiçiç javën që shkoi si armë për të kundërshtuar policinë e Kosovës në veri të saj. Të jetë rastësi? Që molotovi shfaet tek talebanët, xhihadistët, bandat e serbëve në veri të Kosovës dhe këtu nga partia e Berishës? E dini pse ndodh që nga 1998 kjo gjë? Sepse kurrë nuk hetohet si armë molotovi, ADN e tyre”- shtoi deputeti.

Për molotovët, flakadanët dhe gurët e hedhur drejt forcave të policisë dhe shkallëve të kryeministrisë, policia arrestoi 4 protestues, ndërsa nisi hetimi për 6 të tjerë. 

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Fredi: 22/02/2024 13:57

    Saliu e ka nis me dhunë karrieren e tij dhe deri ne ngordhjen e tij do ta përfundoj dhunë. Antishqiptar dhe veç gjak do ky serial killer!

    Përgjigju
  • Maks: 22/02/2024 06:28

    Interesante qe shum TV greke i benin jehon kesaj proteste ku ne vecanti dukej banderola me flamurin grek dhe emrin e fredi shehut te kthyer ne fredi bejleri Dhe duheshin qart ata qe hidhnin bomba molotov

    Përgjigju
  • Sondazhi i ditës: 14 Mars, 23:51

    18 vite nga Gërdeci, a besoni se do ndëshkohen përgjegjësit e vërtetë?

Lajme të tjera