Ljubljanë, Slloveni - Pas kombëtares së Shqipërisë, edhe përfaqësuesja e Kosovës në futboll ka marrë zyrtarisht një vend në play-off-in e Kupës së Botës 2026. ‘Dardanët’ e trajnerit Franco Foda fituan 0-2 kundër Sllovenisë në Ljubljanë dhe kështu e mbyllin Grupin B në vendin e dytë, paçka se tre ditë më vonë luajnë në Prishtinë kundër Zvicrës, për ndeshjen e fundit kualifikuese. Helvetët fituan 4-1 kundër Suedisë edhe me gol të Granit Xhakës dhe kështu janë në krye të këtij grupi me 13 pikë, tre më shumë se Kosova. Zvicra është e avantazhuar në përballjen direkte kundër Kosovës, duke qenë me një golavarazh +12.

Në Ljubljanë, Kosova shënoi pas vetëm gjashtë minutave lojë me autor Fisnik Asllanin. Sulmuesi mori një pasim nga Vojvoda dhe me të djathtën ia ndali në rrjetë sferën gardianit Oblak. ‘Dardanët’ patën shumë raste në pjesën e parë, por pa mundur të shënonin. Në pjesën e dytë, Stojanovic i futur në lojë vetëm në minutën e 46-të doli pas dy kartonave të verdhë nga fusha në minutën e 53-të, duke i dhënë Kosovës një avantazh numerik.

Duhej minuta e 64-t që Kosova të ‘vuloste’ fitoren me autogolin e Karnicnic. Florent Muslija ishte ngulmues, duke detyruar futbollistin vendas të shënonte në portën e tij.

Kështu, me rezultatin 0-2 Kosova siguron për herë të parë play-off e Kupës së Botës dhe më 20 nëntor, ashtu si Shqipëria do mësojë rivalin e gjysmëfinales që luhet më 26 mars 2026. Të shpresojmë që dy skuadrat të ndodhen në një vazo dhe mos përballen mes tyre, pasi kuqezinjtë e Sylvinhos kanë shanse për t’u ngjitur në vazon dy dhe skuadrat e kësaj vazoje do ndeshen me ato të vazos tre, ku do jetë Kosova.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • shkoder: 16/11/2025 14:36

    Bravo DARDANE.

    Përgjigju
  • Beni: 16/11/2025 06:19

    Kosova na habiti,beri super loje.Lojtaret e Kosoves ishin njisha,pasime,triblime,taktik,fizikisht super.Nuk e ndaluan 1 min lojen,dhe loje me kualitet.Kosova shume ekip me te mire se Shqipnia.

    Përgjigju
  • Dardani: 16/11/2025 00:20

    Hallall Dardania

    Përgjigju
  • Sondazhi i ditës: 20 Janar, 20:34

    15 vite nga ‘21 janari’, kush mendoni se urdhëroi për të qëlluar qytetarët?

Lajme të tjera