POP 5

Lajmet më të lexuara të 5 minutave të fundit

Media

Monika Stafa: Sulm i padenjë ndaj
Vlahutin, Tv Klan: Padi në Gjykatë

Monika Stafa, drejtuese e Këshillit të Ankesa pranë AMA-s, është përfshirë në një polemikë me Televizionin Klan, lidhur me sulmet, sipas saj, që ky televizion orientoi për disa ditë ndaj ambasadores së BE në Tiranë, Romana Vlahutin.
 
Monika Stafa: Sulm i padenjë ndaj<br />Vlahutin, Tv Klan: Padi në Gjykatë
Monika Stafa, drejtuese e Këshillit të Ankesa pranë AMA-s, është përfshirë në një polemikë me Televizionin Klan, lidhur me sulmet, sipas saj, që ky televizion orientoi për disa ditë ndaj ambasadores së BE në Tiranë, Romana Vlahutin.
 
Sipas saj, është joetike publikimi i dokumenteve të ambasadores, e cila dyshohej për fshehje të pasurisë, ku nuk citonte median.
 
Televizioni Klan ishte pikërisht media e cila publikoi faksimilet e mos deklarimit të pasurisë së Vlahutin, ku në edicionin qendror një nga televizionet më të rëndësishme në vend, ka sulmuar hapur ish-spikeren Stafa.
 
“Drejtoresha në Autoritetin Mediave Audiovizive e quan këtë si sulm të egër të medias së palirë shqiptare. Edhe pse Shoshori nuk përmend emër të mediave, kuptohet qartë që e ka për Klan, se dokumentin e zbuloi dhe e transmetoi Televizioni Klan.
 
As vetë Ambasadorja Vlahutin nuk e ka kontestuar dokumentin, por ka dhënë shpjegimet e saj, se përse ishte proceduar për shkelje të ligjit.
 
Atëherë, si mund të thotë një punonjëse e Autoritetit të Mediave që media nuk është e lirë, se botoi një dokument zyrtar të institucionit që kontrollon pasurinë dhe parandalon konfliktin kroat?
 
Minimumi, ajo ka treguar injorancë profesionale dhe kjo analiste, që sulmon televizionet nuk mund të marrë rrogën nga taksat e televizioneve dhe nuk mund të jetë e paanshme me këto qëndrime. Ajo, nëse do të sulmojë televizionet, është e lirë ta bëjë dhe nuk përbën problem, por kurrsesi nuk mund të jetë edhe Drejtoreshë në Autoritetin e Mediave. Edhe prokurore edhe gjyqtare e televizioneve, ajo nuk mund të jetë.
 
Televizioni Klan do ta padisë Kryetaren e Këshillit të Ankesave të Autoritetit të Mediave Audiovizuale për shpifje, fyerje dhe dëmtim të imazhit, pasi shkrimi i saj s’përmbante asgjë tjetër veç kësaj. Ky shkrim, përveç servilizmit ndaj Romana Vlahutin, vjen edhe për shkak se Televizioni Klan nuk e mori atë në punë, pasi u largua nga Top Channel”- shprehet televizioni Klan.
 
Ndërkohë nuk ka ende asnjë reagim nga ana e Monika Stafës rreth këtij sulmi.

Redaksia Online
Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Theu masën e arrestit të shtëpisë, shpallet në kërkim 47 vjeçari nga Fieri

Theu masën e arrestit të shtëpisë, shpallet në kërkim 47 vjeçari nga Fieri

5 Nëntor, 13:13