TIRANE- Ministria e Mjedisit dhe Universiteti Bujqësor i Kamzës tani kanë pajisje moderne për të kryer analiza të cilësisë së tokës, falë një projekti të financuar nga Bashkimi Evropian për të forcuar sistemin e monitorimit mjedisor në Shqipëri. Pajisjet u mundësojnë specialistëve në Universitetin e Kamzës dhe Ministrinë e Mjedisit nxjerrjen e të dhënave të besueshme mbi cilësinë e tokës në Shqipëri, çka përbën themelet e politikave bujqësore dhe produktivitetit. Nëpërmjet këtij projekti Bashkimi Evropian përkrah një sistem tërësor të monitorimit të mjedisit në Shqipëri, që do të përfshijë edhe cilësinë e ajrit, ujit, dhe biodiversitetin. Sistemi jo vetëm që do të lejojë që Shqipëria të ketë të dhëna të sakta mbi gjendjen e mjedisit të saj, por do të mundësojë edhe formulimin e politikave të duhura dhe të informuara për të adresuar shqetësimet mjedisore dhe ta bërë rritjen ekonomike të vendit të qëndrueshme për brezat r ardhshëm.
Nxitja e rritjes ekonomike në mënyra që mbrojnë mjedisin është një element kryesor i politikave të BE-së pasi sakrifikimi i mjedisit për përfitime ekonomike afat-shkurtra rrezikon vetë vazhdimësinë e kushteve të nevojshme për një jetë të shëndetshme për brezat e ardhshëm. BE-ja është në pararojë të përpjekjeve për mbrojtjen e mjedisit në nivel botëror dhe përvoja e saj ka treguar se mbrojtja e mjedisit nuk nënkupton sakrifica në ekonomi. Përkundrazi, sektori i mjedisit është një burim shumë i rëndësishëm punësimi dhe integrimi i mjedisit në të menduarit tonë mbi ekonominë ka ndryshuar modelet e biznesit në mënyra që e rrisin ekonominë. Asistenca e BE për Shqipërinë në këtë fushë mbulon një sërë çështjesh themelore, duke përfshirë sistemet e ujërave të bardha dhe të zeza, menaxhimin e mbeturinave dhe kontrollin e ndotjes. Të dhëna të besueshme për tregues mjedisorë si cilësia e ajrit, ujit dhe tokës janë të rëndësishme për zhvillimin e politikave të përshtatshme për të përmirësuar kushtet e jetesës për qytetarët. Prandaj, përmes këtij projekti prej 2 milion euro, BE-ja po ndihmon Shqipërinë në forcimin e sistemit të saj të Monitorimit Mjedisor, nëpërmjet zhvillimit të legjislacionit dhe të sigurimit të pajisjeve shkencore. Pajisjet e vendosura tashmë në Universitetin Bujqësor të Kamzës janë një mjet i rëndësishëm në duart e specialistëve shqiptarë për të gjeneruar të dhëna për cilësinë e tokës që mund të nxisin rritjen e prodhimit bujqësor dhe produktivitetit. Projekti synon të ndihmojë Shqipërinë të miratojë dhe të zbatojë parimet dhe standardet mjedisore të BE-së.
(sg/shqiptarja.com)
Sondazhi i ditës:
Si do e drejtojë Kuvendin Elisa Spiropali krahasuar me Lindita Nikollën?
-
Më mirë
27%
-
Njësoj
15.6%
-
Më keq
57.5%
Vota total: 4339
Votat totale janë unike
Lajme të tjera
-
Këshilltari i Vjosa Osmanit tregon çfarë ndodhi në aeroport: Pala maqedonase mori çantën personale të presidentes, por telefoni nuk u dorëzua
1 Gusht, 21:59
-
Futbolli shqiptar dështim në Evropë, Egnatia dhe Partizani eliminohen nga Conference League
1 Gusht, 21:58
-
Incidenti i presidentes Osmani në aeroportin e Shkupit, zv.kryeministri i Maqedonisë: Ishte keqkuptim
1 Gusht, 21:36
-
Arrestimi i kryeprokurorit të Vlorës, Gazment Bardhi sulmon SPAK: Drejtësi selektive, fsheh përfshirjen e Ballës
1 Gusht, 21:22
-
'Dhunohet' Vjosa Osmani, sigurimi i Aeroportit të Shkupit tenton t'i marr celularin! Presidenca: E paprecedente
1 Gusht, 21:22
-
Spektakël në SHBA, Milani mposht minimalisht Real Madridin
1 Gusht, 21:08
-
Aksident në aksin Levan-Tepelenë, mjeti del nga rruga dhe përfundon në kanal! Humb jetën shoferi
1 Gusht, 21:03
-
Nikoll Lesi: Fiksimi i Edi Ramës dhe pse Berisha mbetet Sali
1 Gusht, 20:59
-
Qeveria miraton indeksimin e pensioneve në masën 13.5 %, ja se si do të llogariten
1 Gusht, 20:49
-
Detaje të reja nga vrasja e liderit të Hamas, Haniya/ New York Times: Nuk ishte raketë, por një bombë me telekomandë
1 Gusht, 20:38
-
Paris 2024/ Sinkronizimi perfekt i zhytëseve kineze që solli medaljen e artë (VIDEO)
1 Gusht, 20:16
-
Carlo Bollino: Mbyllja e “Gazetës Shqiptare”, pak hipokrizi, por shumë histori e vlera ikin me të
1 Gusht, 20:01