POP 5

Lajmet më të lexuara të 5 minutave të fundit

Kosova & Rajoni

Moore: Asociacioni i Komunave
Serbe, as OJQ, as entitet i ri politik

Funksioni i Asocacionit të Komunave Serbe në Kosovë nuk do të jetë i ngjashëm me atë të një OJQ-je, tha drejtori për Evropën Qendrore dhe Jugore në Departamentin Amerikan të Shtetit, Jonathan Moore.
PRISHTINË - Funksioni i Asocacionit të Komunave Serbe në Kosovë nuk do të jetë i ngjashëm me atë të një OJQ-je, tha drejtori për Evropën Qendrore dhe Jugore në Departamentin Amerikan të Shtetit, Jonathan Moore, sipas të cilit ky Asociacion nuk do të mund të legjitimohet as si inkuadrim i Serbisë përbrenda territorit të Kosovës.

“Normalizimi i marrëdhënieve po bëhet përbrenda ligjeve të Kosovës. Komunat kanë shumë kompetenca në këtë sistem. Komunat kanë kompetenca në mënyrë të veçantë ose si bashkësi të cilat mund t’i ushtrojnë. Asociacioni s’është NGO (OJQ), por as entitet i ri politik”, theksoi Moore.

Ky diplomat tha në një intervistë për Klankosova deklaroi se idetë për një entiteti të ri politik në Kosovë nuk janë në tavolinë. “S’është zgjidhje kjo dhe kjo s’është në tavolinë. Ndërmjet shteteve fqinje mund të diskutohen shumë çështje, por ne nuk shohim kurrfarë arsyesh që kjo të diskutohet. Politika jonë është e qartë. S’ka ndryshim kufijsh, s’ka shkëmbime të territoreve”, u shpreh Moore.

I pyetur të komentojë deklaratat e James Rubinit se “ish-komandantët e luftës duhet të largohen nga pushteti”, Moore tha se për këtë gjë vendosin vetë kosovarët.
“Jamie Rubin është shumë i respektuar. Ka qenë shumë i përfshirë në gjetjen e një zgjidhje paqësore për Kosovës. Skam pas rastin ta rishikoj komentin e tij për përfshirjen në jetën politike të Kosovës, por unë besoj se kjo është punë e politikanëve dhe votuesve kosovare”, tha Moore.

E kur është fjala për konfliktet, Moore tha se kosovarët dhe tjerët që shkojnë për të luftuar në Siri, nuk bëjnë punë të dobishme që përfshirë në aso tragjedish. Ai tha se Amerika është e shqetësuar me atë çfarë po ndodh në atë vend dhe shtoi se Ëashingtoni do zgjidhje paqësore,transmeton Telegraf.

Redaksia Online
(mag/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Spanjë/ Kapet gomonia me sasi të madhe kokaine, arrestohen 7 shqiptarë

Spanjë/ Kapet gomonia me sasi të madhe kokaine, arrestohen 7 shqiptarë

15 Janar, 21:46