POP 5

Lajmet më të lexuara të 5 minutave të fundit

Politikë

U votëbesuan në Parlament, betohen para Presidentit Begaj dy ministrat e rinj të qeverisë

Pasi morën miratimin në Kuvend, dy ministrat e rinj të kabinetit qeveritar “Rama” janë betuar para Presidentit të Republikës, Bajram Begaj.

Pasi morën miratimin në Kuvend, dy ministrat e rinj të kabinetit qeveritar “Rama” janë betuar para Presidentit të Republikës, Bajram Begaj.

Ceremonia e betimit të anëtarëve të rinj të Këshillit të Ministrave, u zhvillua sot në Institucionin e Presidentit të Republikës.

Përpara Presidentit Bajram Begaj, u betuan pas leximit të formulës së betimit, Ervin Mete, Ministër i Financave dhe Ekonomisë dhe Delina Ibrahimaj, Ministër i Shtetit për Sipërmarrjen dhe Klimën e Biznesit.

"Vijimi i konsolidimit fiskal dhe mbështetja e zhvillimit ekonomik të vendit janë objektiva kyç. Falënderues Kryeministrit Edi Rama për besimin. Tërësisht i angazhuar për të shtyrë përpara agjendën “Shqipëria 2030”, shkruan Mete në rrjete sociale pas betimit.

Ceremonia e betimit të tyre u shty për shkak të detyrës që Mete mbante më parë si anëtar i bordit të Autoritetit të Mbikëqyrjes Financiare me pozicionin e Drejtorit të Përgjithshëm Ekzekutiv. Dorëheqja nga ky post iu miratua nga deputetët me 95 vota pro në senacën e së hënës. Specifika e Metës mbajti pezull edhe votimin për 2 dekretet për Delina Ibrahimajn, atë të shkarkimit nga detyra e ministrit të Ekonomisë dhe emërimin si ministre Shteti për Sipërmarrjen dhe Klimën e Biznesit, e cila po ashtu u betua sot.

Ndërsa të hënën pesë ministrat e rinj të kabinetit qeveritar, u betuan po ashtu para presidentit Begaj dhe më pas pa humbur kohë morën detyrën në institucionet përkatëse.

Në një protokoll diskret, Igli Hasani si ministri i ri i Jashtëm, Arbian Mazniku si ministër Shteti për Pushtetin Vendor, Albana Koçiu si ministre e Shëndetësisë, Ogerta Manastirliu ministre e Arsimit dhe Anila Denaj si ministre e Bujqësisë u betuan një nga një para Presidentit Bajram Begaj.

 

M.T/B.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Halit: 14/09/2023 18:38

    Hiq hajdutet nga dogana urgjent o minister ose je pjese e tij edhe ti. Urgjent Gazhelin ne shtepi se la name diplomaticu

    Përgjigju
  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Lindja e Mesme, Houthi godet cisternën e naftës në Detin e Kuq!Izrael: Negociata të shpejta për lirimin e pengjeve ose hyjmë në Rafah

Lindja e Mesme, Houthi godet cisternën e naftës në Detin e Kuq!Izrael: Negociata të shpejta për lirimin e pengjeve ose hyjmë në Rafah

27 Prill, 10:31