Ish-miss Kosova dhe modelja e këngëtarja e njohur shqiptare, Morena Taraku, do të jetë e në jurinë e spektaklit të bukurisë botërore, “Miss Liberty of The World”.

Të premtën më 26 prill do të mbahet “Miss Liberty of the World”, kurorën e spektaklit të të cilit Morena e fitoi në vitin 2012.

Tani ajo do të udhëtojë në Turqi për të dorëzuar kurorën e fituar kohë më parë, teksa do të jetë edhe në jurinë e këtij spektakli ndërkombëtar.

Spektakli botëror i bukurisë, mbahet në Antalya të Turqisë nga 26 prill deri më 6 maj.

Morena përfaqësoi denjësisht Kosovën në vitin 2012 në Miss Liberty of the ëorld, duke e fituar vendin e parë dhe duke bërë që emri i saj dhe shteti i Kosovës të përmendej në shumë media ndërkombtare dhe qarqe të spektakleve të bukurisë.
 
Shkrimi u botua në numrin e sotëm të gazetës "Shqiptarja.com, versioni print

Redaksia Online
(xh.k/shqiptarja.com)