Mori i keq në qarkun e Kukësit, Policia: Akset rrugore në Topojan, Zapod, Grykë Çaj dhe Arren të bllokuara

Policia e Shtetit ka dhënë informacion në lidhje me situatën nga moti i keq në qarkun e Kukësit. Policia bën me dije se në njësit administrative Topojan, Zapod, Grykë Çaj dhe Arren, janë të bllokuara.

Akset e tjera rrugore janë të kalueshme me paisje dimërore.

‘Për shkak të rënies së reshjeve të dëborës, Drejtoria Vendore e Policisë Kukës ka rritur prezencën e shërbimeve policore në akset rrugore urbane e rurale, për t’ju ardhur në ndihmë dhe këshilluar drejtuesit e mjeteve.

Njëkohësisht po bashkëpunohet me pushtetin vendor dhe firmat kontraktuese për mirëmbatjen e rrugëve, si dhe me Njësinë Rrugore për Sigurinë e Autostradës Milot-Morinë, për të bërë të mundur rritjen e sigurisë në rrugë dhe pastrimin e rrugës nga dëbora.

Akset rrugore në njësit administrative Topojan, Zapod, Grykë Çaj dhe Arren, janë të bllokuara.

Akset e tjera rrugore janë të kalueshme me paisje dimërore.

DVP Kukës apelon për të gjithë drejtuesit e automjeteve të bëjnë kujdes të madh, të reduktojnë shpejtësinë, të përdorin pajisjet dimërore dhe të respektojnë rregullat e qarkullimit rrugor.’- njofton policia.

 

Lajmi kryesor:

Makina të bllokuara nga bora në Iballë, evakuohen pasagjerët! Fushë-Arrëzi në izolim total! Stuhi në mbarë vendin

M.Q./Shqiptarja.com

TAG:
• Kukes