Morinë/ Fluks udhëtarësh, 20 mijë persona hyjnë brenda 24 orësh

Pika e Kalimit Kufitar në Morinë të Kukësit, që e lidh Shqipërinë me Kosovën në 24 orët e fundit është përballur  me fluks shumë të lartë kalimesh, të shqiptarëve të Kosovës, Maqedonisë e Malit të Zi por edhe të turistëve të huaj  që udhëtojnë drejt bregdetit të Shqipërisë. Sipas Policisë Kufitare brenda 24 orëve kaluan traun mbi 20 mijë persona dhe mbi 6 mijë automjete. Vetëm në orët e para të mëngjesit  të së shtunës nga ora 5 deri në orën 9, në doganën e Morinit kaluan kufirin 4 mijë persona dhe dy  mijë automjete. Ky fluks i lartë hyrjesh për në Shqipëri ka sjellë edhe krijimin e radhëve megjithëse autoritetet doganore dhe ato të policisë janë kujdesur të kryejnë procedura të përshpejtuara për të mos krijuar radhë të gjata. Ndërkohë fluksi i parë i emigrantëve kosovarë  që jetojnë dhe punojnë në vendet Bashkimit Europian ,të cilët shkojnë në Kosovë për të kaluar pushimet verore   ka mbërritur edhe në Rrugën e Kombit. Fluksi i kalimeve  të automjeteve  drejt kufirit Shqipëri-Kosovë përmes rrugës së kombit ,vijon të jetë në masë të madhe pothuajse çdo orë të ditës.

Edhe në pikat e tjera kufitare në vend ka patur një numër të lartë personash që kanë hyrë ditët e fundit. Në Rinas, në Kakavijë dhe Kapshtic kanë hyrë me mijëra persona në 24 orët e fundit.

LEXO EDHE:
Arrestohet 38-vjeçari në pikën kufitare të Morinës! I dënuar në Itali me 12 vite burg për trafik droge dhe grup kriminal

TAG:
• pika kufitare morine
• fluks udhetaresh
• 20 mije

Sondazhi i ditës:

Ilir Meta sulmon kreun e SPAK, si e vlerësoni?

• Të drejtë

  11.4%

• Të gabuar

  83.8%

• Nuk e di

  4.8%

Vota total: 3172

• Sondazhi i ditës:

  Ilir Meta sulmon kreun e SPAK, si e vlerësoni?

  Të drejtë Të gabuar Nuk e di