Një gruaje të moshuar, e cila jeton me nuset e djemve, që të dy emigrantë në Itali, i ka dalë gjumi nga zhurma e dollapit. Në orën 3 të mesnatës, 75-vjeçarja N. Q, kujton se përgjumësh mendoi mos ishte nusja që jetonte në të njëjtin kat me të.
Ndaj ajo i kishte thënë “mos luaj oj nuse”. Por kur ka ndezur dritën, ka parë dy meshkuj, që të dy me maska anti-COVID, me kapuçë sportivë dhe me doreza. Njëri ia ka bërë me shenjë që të mos reagojë, kurse tjetri ka hapur sirtarët, ka marrë prej andej gjashtë ora, 3 mijë euro dhe telefonin e të moshuarës.
“Zhurma e dollapit, ishte e fortë dhe kur u kthjellova pashë dy personat. Njëri më tha mos lëviz. Tjetri mori çfarë i doli para dhe u larguan”.
Ndërsa forcat e policisë së Komisariatit numër 4 kanë nisur marrjen në pyetje të vjehrrës dhe dy nuseve, njëra prej tyre, me shtetësi italiane, agjentët kanë kontrolluar vilën me shpresën se do të gjenin gjurmë papilare të hajdutëve.
Vjehrra tregon në kallëzimin që GazetaSi.al, disponon “se hajdutët nuk bënë rrëmujë në shtëpi, nuk ka thyerje të derës me forcë dhe nuk e di se nga mund të jenë futur, mbase kemi harruar derën hapur. Nuk kanë ushtruar dhunë dhe pasi kanë marrë paratë janë larguar. Jam e çuditur, se nga e dinin ata se ku ndodheshin paratë”, pohon N.Q.
Sipas të moshuarës, njëri nga grabitësit ishte i gjatë dhe tjetri i shkurtër. “Ai kishte varur krahë qafë një çantë me rrip. Kishin të dy doreza, kapuçë dhe maska anti-Covid. Njëri mbante veshur një xhup të zi”, – i përshkruan e moshuara autorët.
Nusja shqiptare, i tregon policisë se në mesnatë dëgjoi zhurmë në banesë. “Zbrita dhe pashë derën e hapur, pastaj u ngjita prapë. Aty më tha vjehrra që dy persona vodhën banesën. Nuk e kam idenë nga kanë hyrë këta persona, pasi dera nuk hapet pa çelës dhe personi i fundit që hyri në vilë, është kunata italiane. Nuk kam asnjë dyshim se kush mund ta ketë kryer vjedhjen, por në shtëpi na vodhën 3 mijë euro”.
Edhe nusja italiane nuk di asgjë në atë që ajo rrëfen para policisë.
“Dëgjova vjehrrën duke bërtitur dhe dola në korridor. Pashë dy persona, një i shkurtër një i gjatë. Më drejtuan elektrikun në fytyrë dhe nuk munda të shikoj asnjërin. Nuk arrita t’i dalloj nga fytyra, jo vetëm nga drita që më drejtuan, por dhe nga maskat në fytyrë. Unë jam personi i fundit që hyra në banesë, rreth orës 18.45, pasi u ktheva nga puna dhe nuk kam asnjë dyshim se kush na vodhi”.
Policia thotë për GazetaSi.al, se pas njoftimit të tre grave, mbërriti në banesë dhe ndonëse tentoi të përfitonte gjurmë përmes pluhurit daktiloskopik, nuk gjeti asnjë provë të vlefshme që do të mund t’i zbulonte hajdutët e grave
“Në banesë, mungojnë kamerat e sigurisë dhe gjithashtu dhe në rrugën ku ndodhet objekti, por sidoqoftë ne kemi pyetur disa persona me precedentë penalë në fushën e vjedhjeve”, – sqaroi një oficer policie, sipas të cilit në kushtet kur vjedhjet kanë shpërthyer gjithandej, qytetarët duhet të tregohen të kujdesshëm duke nisur nga mbyllja e derës, deri tek mbajtja e pak parave në shtëpi apo në kuletë.
Lajme të tjera
-
Vetëvrasja e Mehmet Shehut para 43 vjetësh, dëshmia e ish-punonjëses së vilës: Kërkoi një kafe dhe një gotë ujë! Ngjarjen e mora vesh kur…
25 Dhjetor, 20:56
-
Një nga ne/ 'Ndenja 16 vite vetëm', prek i moshuari: Ndjeva një boshllëk, më mirë në azil me shokë
25 Dhjetor, 20:04
-
E rëndë në Kamëz, 55-vjeçari bie teksa punonte në pallatin në ndërtim, përfundon në spital! Hetime për shkaqet dhe kushtet e sigurisë
25 Dhjetor, 16:00 -
Festat sjellin trafik të rënduar në Tiranë, eksperti: Semaforët e shumtë bllokojnë qarkullimin, duhen mbikalime! Shoferët nuk zbatojnë rregullat
25 Dhjetor, 14:55 -
Stadiumi i ri 'Selman Stërmasi', në janar pritet prezantimi i projektit! Korporata Investimeve Shqiptare: Transformim për Tiranën
25 Dhjetor, 12:11 -
Në kërkim pas shpalljes non grata, Artan Grubi dyshohet se fshihet në Shqipëri! Dëshmia e biznesmenit: E dërgova me makinë deri në Tiranë
25 Dhjetor, 10:17 -
Sondazhi i Report Tv/ PS fiton Tiranën me 18 mandate, PD 11! 8 deputetë nga partitë e reja! Në Durrës socialistët fitore të thellë, marrin dhe Dibrën e Lezhën! Garë e fortë në Shkodër
25 Dhjetor, 07:51 -
Jakin Marena: Kujt i duhej ‘sakrifica’ e Gjekmarkajt në prag të Natës së Krishtit?!
24 Dhjetor, 21:06
-
Magjia e Krishtlindjeve, qindra qytetarë shijojnë koncertin festiv në sheshin 'Skënderbej'! Veliaj: Kemi transformuar Tiranën
24 Dhjetor, 19:35 -
Vigjilja e Krishtlindjeve sjell trafik të rënduar në Tiranë e Vlorë, dyndje mjetesh në hyrje dhe dalje të kryeqytetit (VIDEO)
24 Dhjetor, 18:01 -
Protesta/ PD kallëzon në SPAK dhe te Prokuroria e Tiranës ministrin Hoxha, kryepolicin Proda dhe zinxhirin komandues: Ushtruan dhunë! (DOKUMENTI)
24 Dhjetor, 16:59 -
Trafiku i rënduar, Report Tv sjell pamjet me dron, dyndje mjetesh në rrugët kryesore të Tiranës
24 Dhjetor, 16:19
