POP 5

Lajmet më të lexuara të 5 minutave të fundit

Politikë

‘Cakaj’, Meta: Ministria e Jashtme nuk është autoshkollë! Rama: More peng Kushtetutën

Presidenti Ilir Meta ka reaguar sërish pas deklaratave të kryeministrit Edi Rama lidhur me mosdekretimin e ministrit të ri të Jashtëm, Gent Cakaj. Meta thotë se Ministria e Jashtme nuk mund të shndërrohet në autoshkollë ku sipas tij "ustai" i madh të mësojë "gjeniun" si të ndryshojë kufijtë në Ballkan. Indirekt Meta këshillon Ramën që të propozojë një kandidaturë tjetër pasi sipas tij PS ka kapacitete të shkëlqyra për drejtimin e MEPJ.  Në reagimin e tij, kryeministri Rama u shpreh se do të jetë Gjykata e re Kushtetuese ajo që do ti japë fund, asaj që ai e ka quajtur maskaradë. 

Vijon përplasja mes Presidencës dhe maxhorancës pas kthimit të dekretit nga Ilir Meta për emërimin e Gent Cakajt ministër të Jashtëm në vend të Ditmir Bushatit (Lexo këtu). Kreu i shtetit ka reaguar sot sërish pas deklaratave të kryeministrit Edi Rama mbrëmjen e kaluar i cili tha se Meta u pajis me certifikatë sigurie brenda disa orësh kur u zgjodh kryetar Kuvendi në shtator 2013 (Lexo këtu). Në reagimin e tij në rrjetet sociale, Meta thotë se Ministria e Jashtme është një prej dikastereve më të rëndësishme të vendit dhe sipas tij kjo Ministri nuk mund të kthehet në autoshkollë ku sipas tij "ustai" i madh të mësojë "gjeniun" për ndryshimin e kufijve në rajon. Partia Socialiste ka kapacitete të jashtëzakonshme në fushën e politikës së jashtme, thotë presidenti Meta.  

Sot, në momente të rëndësishme të sfidave tona rajonale, Ministria për Europën dhe Punët e Jashtme e Shqipërisë nuk mund të kthehet në autoshkollë ku ustai i madh kërkon të mësojë “gjeniun” si të ndryshojë kufijtë e të gjithë Ballkanit Perëndimor. Partia Socialiste ka kapacitete të jashtezakonshme në fushën e politikës së jashtme dhe Shqipëria ka shumë diplomatë të sprovuar, të cilët mund të vendosen në drejtimin e politikës sonë të jashtme, pa kaluar nga autoshkolla e ndryshimit të kufijve në gjithë Ballkanin Perëndimor. Shqipëria e para.

Ilir Meta, president

Postimi i Metës në rrjetet sociale

Pas deklaratës së presidentit Meta, një reagim ka ardhur edhe nga kryeministri Edi Rama. Ai është shprehur se nuk do të merret më me atë që e ka quajtur pengmarrësin e Kushtetutës në zyrën e Presidentit. Rama është shprehur se Gjykata e re Kushtetuese do t'i japë fund kësaj maskarade, ndërsa vëmendja e qeverisë së tij do të vijojë që të jetë tek njerëzit e zero tek çizmet, duke ironizuar kështu edhe bashkëshorten e presidentit njëherasi edhe kryetaren e LSI-së, Monika Kryemadhi. 

Postimi i kryeministrit Rama

Presidenti Ilir Meta ktheu dy ditë më parë dekretin për Gent Cakajn duke e konsideruar atë të papërshtatshëm për shkak të qëndrimeve të tij lidhur me çështjen e kufijve të Kosovës, mungesën e përvojës si dhe shkeljen që ka konsumuar pasi prej 7 muajsh ka mbajtur detyrën e zv/ministrit pa qenë i pajisur më parë me certifikatë sigurie. Dokument të cilin Cakaj e ka marrë vetëm në datën 4 janar, 24 orë pas aplikimit. Meta kërkoi hetim edhe për DSIK institucion i cili sipas tij nuk ka kryer verifikim të plotë për figurën e Gent Cakajt (Lexo këtu). Por përgjigjia e DSIK ishte se verifikimi ndaj Cakajt është bërë i plotë duke konkluduar se kandidati për ministër të Jashtëm nuk është i rrezikshëm (Lexo këtu). 

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Qytetari: 13/01/2019 02:06

    Ilir Meta erdhi Drejtesia E di qe po te humb Qetesia 30 dosje korupsioni me vjedhje vrasje per ty Tu shtua edhe 1 Ajo e shkeljes se Kushtetutes Shqipetare Je i pari qe do te theras Drejtesia ne pranga qe te japesh Llogari per Pasurine qe ke bere Per Vrasjet qe ke bere per Shkeljet e Ligjeve Kushtetuese ne pranga do te shoqeroje dhe Doktoresh kokemadhja Kokainsja e Leshelise⛓

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça