Moska: Vatikani ka kërkuar falje për deklaratat e Papa Françeskut kundër çeçenëve

Vatikani ka kërkuar falje për deklaratat e Papa Françeskut kundër çeçenëve dhe burjatëve dhe qeveria e Moskës tani e konsideron çështjen të mbyllur. Kështu deklaroi zëdhënësja e Ministrisë së Jashtme, Maria Zakharova.

"Aftësia për të pranuar gabimet e dikujt po bëhet gjithnjë e më pak e zakonshme në komunikimin modern ndërkombëtar. Kjo situatë tregon se prapa thirrjeve për dialog (për Ukrainën) e Vatikanit ka aftësinë për të zhvilluar këtë dialog dhe për të dëgjuar bashkëbiseduesit. E gjithë kjo kërkon respekt të sinqertë", shtoi Zakharova, raporton Tass.

LEXO EDHE:
Sulm me dron në portin rus, raportohet për viktima dhe të plagosur

Kujtojmë se në një intervistë për revistën jezuite America, Papa Françesku pati kritika të ashpra ndaj ushtrisë ruse. Ai tha se disa grupe pakicë të ushtarëve të saj, kanë pasur sjellje më të këqija sesa të tjerët, në luftën e nisur në Ukrainë muaj më parë.

Papa Françesku ka përshkruar dy nga grupet e pakicave etnike të Rusisë, çeçenët dhe burjatët, si disa nga trupat "më mizore" që luftojnë në Ukrainë.

Lajmi kryesor:

Lufta në Ukrainë/ SHBA s'konfirmon dorëzimin e raketave Patriot! Putin anulon fjalimin e përvitshëm për 'gjendjen e kombit'

S.C/Shqiptarja.com

TAG:
• rusia sulmon ukrainen
• lufta ne ukraine