Mosrespektimi i vizave të bardha dhe i korsive, dy rregullat që neglizhojnë shoferët në Tiranë, policia gjobit qindra drejtues mjetesh (VIDEO)

TIRANË- Shoferët të cilët nuk respektojnë kalimtarët te vijat e bardha si dhe nuk respektojnë korsinë e lëvizjes kanë qenë nën monitorim nga policia rrugore e Tiranë. Sipas të dhënave nga policia rrugore janë gjobitur 118 drejtues automjetesh, nga Policia Rrugore e Tiranës, për mosrespektim të korsisë së lëvizjes si dhe 104 drejtues automjetesh, po nga Policia Rrugore e Tiranës, për mosdhënie përparësi, këmbësorëve.

Po ashtu policia në kuadër të monitorimit në të gjithë vendin ka pezulluar 88 leje drejtimi, për shpejtësi që varionin deri 180 km/h. Sakaq janë vënë në pranga 6 drejtues mjetesh, për drejtim të mjetit, në gjendje të dehur dhe/ose pa leje drejtimi.

Gjithashtu, si rezultat i evidentimit nga pajisjet inteligjente, u ndëshkuan:

٠653 drejtues mjetesh, për parakalime të gabuara;

٠214 drejtues mjetesh, për përdorim të aparatit celular gjatë drejtimit të mjeteve;

٠161 drejtues mjetesh për mosvendosje të rripit të sigurimit;

٠108 drejtues motomjetesh, për mosvendosje të kaskës mbrojtëse;

٠8 drejtues automjetesh, për gara shpejtësie, të cilët janë ndëshkuar me masën administrative maksimale, të parashikuar nga Kodi Rrugor.

Policia e Shtetit apelon për të gjithë drejtuesit e automjeteve dhe të motomjeteve që të respektojnë me rigorozitet rregullat e qarkullimit rrugor, pasi puna e Policisë në këtë drejtim nuk është aksion i përkohshëm, por do të vijojë pandërprerë, për të arritur qëllimin madhor, atë të rritjes së parametrave të sigurisë së jetës në rrugë.

Të gjitha akset rrugore të vendit monitorohen me makinën inteligjente dhe me flotën e pajisjeve të reja të Policisë Rrugore, me qëllim evidentimin dhe ndëshkimin e atyre drejtuesve të mjeteve që shkelin rregullat e qarkullimit rrugor.

Rendit zhvillimet sipas orarit:

Të Fundit Të Parat

M.Q./Shqiptarja.com

TAG:
• policia rrugore
• Tirane