Motër Visarta: Arsyeja që më shtyu
t'i dedikohem Zotit që 14- vjeçe

Të ndihesh e huaj në shtëpinë tënde. Kjo është ajo që i ka ndodhur Visarta Lazrit që në moment që zgjodhi t’i dedikohej Zotit e të bëhej një murgeshë. Familja e saj biologjike është zëvendësuar me një familje tjetër më të madhe dhe për këtë nuk i vjen aspak keq. Është 27 vjeç, por jeta është treguar paksa tolerante me të, pamja e së cilës të jep përshtypjen e një vajze njëzetë vjeçare.

Gjithçka ka nisur kur ajo ishte vetëm 14 vjeç, një adoleshentë krejtësisht ndryshe nga të tjerat. Nuk e kishte menduar kurrë më parë se jeta e saj do të merrte këtë drejtim derisa takoi Motër Luiza Milanin. Ajo u shndërrua në idhull për Motër Visartën e çdo hap që hidhte e bënte që t’i ngjasonte sado pak.