POP 5

Lajmet më të lexuara të 5 minutave të fundit

Sociale

Motër e vëlla në kushte të vështira, apel për ndihmë: Jemi të sëmurë, nuk kemi ku të flejmë

Motër e vëlla nga Tirana bëjnë apel për ndihmë nëpërmjet Report Tv pasi jetojnë në kushte të vështira. Të dy të sëmurë dhe në pamundësi për të punuar kërkojnë nga kushdo që mundet t’i ndihmojë me ushqime ose mobilie, pasi në shtëpinë e tyre nuk kanë asgjë.

Dimri nuk ka qenë asnjëherë më i ftohtë dhe i vështirë për 47-vjeçarin Bardhi Qershori dhe motrën e tij Edlira. Jetojnë prej vitesh së bashku në banesën që u kanë lënë prindërit në Tiranë, e cila nuk ka mobilie, as  dyer dhe as dritare.

Bardhi rrëfen se ka pasur një jetë të vështirë që prej vdekjes së prindërve. Ai vuan nga një sëmundje e rëndë në sy, dhe nga shtylla kurrizore. Nuk ka krijuar asnjëherë familje, varfëria dhe sëmundja e kanë penguar.

Vëlla e motër i kalojnë këto netë të ftohta dimri duke fjetur në dyshekë që i kanë gjetur në plehra. Ndërsa Edlira, 37-vjeçe ndodhet në gjendje të rëndë shëndetësore.

Të dy trajtohen me ndihmë ekonomike, por Bardhi tregon se ato para nuk dalin as për ilaçe, e as për ushqim. Prej kohësh nuk kanë paguar ujin dhe dritat, dhe për këtë arsye u janë ndërprerë.

47-vjeçari tregon se nuk mund të punojë për shkak të sëmundjeve, e për këtë arsye u bën apel të gjithëve atyre që munden ta ndihmojnë, për të kaluar në kushte më të mira këto netë të ftohta dimri.

“Në këtë vend haja bukë, e kam nxirë vetëm duke ndezur qirinj e duke ndezur letra. Kësaj dere i kam vendosur një batanije dhe e kam mbërthyer me gozhda, që mos të na futet i ftohti. Ne e kemi litarin në fyt, të dy me ftohje, jam gjysmë i verbër, invalid. Stresi më i madhë është vetmia. I mbajmë rrobat në këto kosha. Motra dy javë sëmurë. Dritat mi kanë prerë, nuk jam në gjende ti paguaj. I lutem shqiptarëve ta vejnë dorën në zemër, kush e ndjen veten shqiptar të veprojë si shqiptar”.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 23 Janar, 09:41

    Secila parti në zgjedhje me 46 deputetët e parë të fiksuar, si e vlerësoni?

Lajme të tjera



×

Lajmi i fundit

I shtruar në spital në Athinë prej 20 ditësh, Kryepeshkopi Anastas në gjendje të qëndrueshme

I shtruar në spital në Athinë prej 20 ditësh, Kryepeshkopi Anastas në gjendje të qëndrueshme

23 Janar, 13:11