POP 5

Lajmet më të lexuara të 5 minutave të fundit

Kronikë

Moti i acartë/ Bashkia e Tiranës në gatishmëri, shpëton dy persona

Policia Bashkiake dhe Shërbimi Social i Bashkisë Tiranë po monitorojnë nga afër situatën në gjithë territorin duke u ofruar ndihmë dhe strehuar të gjithë personat që gjenden në vështirësi, siç janë edhe endacakët.

Moti i acartë/ Bashkia e Tiranës në gatishmëri, shpëton dy persona

Njëri nga dy endacakët që u strehua në ambientet e Qendrës Sociale në Shkozë

Bashkia e Tiranës njofton se krahas punës për hedhjen e kripës dhe skorieve nëpër rrugë në mënyrë që ngricat të mos pengojnë qarkullimin normal të mjeteve dhe njerëzve, në këto ditë të acarta ka marrë të gjitha masat që edhe të gjitha shërbimet e tjera të jenë në gatishmëri dhe në shërbim të qytetarëve.

Policia Bashkiake dhe Shërbimi Social i Bashkisë Tiranë po monitorojnë nga afër situatën në gjithë territorin duke u ofruar ndihmë dhe strehuar të gjithë personat që gjenden në vështirësi, siç janë edhe endacakët.

Kështu, Policia Bashkiake ka mundur të shmangë disa raste ku persona endacakë kanë rrezikuar jetën për shkak të temperaturave të ulëta. Më konkretisht dje afro mesnatës, në afërsi të kryqëzimit të “21 – Dhjetorit”, Policia Bashkiake ka gjetur shtetasin me inicialet Th.B, 45 vjeç nga Berati, i cili qëndronte jashtë në afërsi të një stacioni autobusi. Menjëherë atij i është ofruar ndihma e parë dhe është strehuar në ambientet e Qendrës Sociale në Shkozë ku dhe po merr shërbimet e nevojshme.

Ndërkohë që gjatë orëve të para të ditës së sotme Policia Bashkiake ka gjetur në Bulevardin Zogu I një tjetër person endacak me inicialet B.D, 63 vjeç nga Shkodra që kishte kaluar natën jashtë. Menjëherë është lajmëruar shërbimi mjekësor dhe pasi i është dhënë ndihma e duhur ai është strehuar në ambientet e qendrës sociale që gjendet përgjatë Bulevardit Zogu I.

Ndërkohë që të gjitha qendrat sociale të Tiranës po qëndrojnë në gatishmëri për të ofruar ndihmë, strehë dhe ushqim për të gjithë personat që gjenden në vështirësi në këto ditë kur termometri ka shënuar disa gradë nën zero.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça