Moti i keq, del nga shtrati përroi në Dedaj-Bogë, rruga e pakalueshme! Pa energji disa fshatra në Shkodër, Pukë, Malësi të Madhe dhe Vau i Dejës

Nga moti i keq me reshje shiu dhe erë të fortë, është rritur niveli i përrenjve dhe ka dalë nga shtrati përroi në Dedaj-Bogë. Për këtë arsye kalimi bëhet me rrugë alternative. Ndërkohë kanë mbetur pa energji elektrike disa fshatra në Shkodër, Pukë, Malësi të Madhe dhe Vau i Dejës.

Zonat pa energji elektrike janë në Koman, Rrenc, Velipoje, Hajmel Vau Dejes, Cas, Dajc, Gjegjan Fushe Arrez, Shkodër, Bajze.

Ne Qytetin Puke ka dëmtime të interkapeteve të bllokut të 5 pallateve rënie të sovatimeve dhe dëmtime catish, lëvizje të tjegullave po ndërhyhet nga Drejtoria e Shërbimeve dhe Mzsh.

Ka probleme me energjine elektrike në NJAD Pukë. Në Malësi të Madhe, nuk ka patur energji elektrike në NJAD Kelmendit, Shkrel dhe Gruemire. Në Bashkinë Vau Dejës, mungon energjia elektrike në njësinë administrative Hajmel.

Lajmi kryesor:

Moti i keq/ Del nga shtrati lumi Buna, 400 Ha tokë e përmbytur! Mungesë energjie elektrike në Vlorë, Lezhë dhe Shkodër! Trageti në Portin e Durrësit shtyn lundrimin

A.M./Shqiptarja.com

TAG:
• Shkoder