Moti i keq, kryebashkiaku i Kavajës për Report Tv: 3 familjet e evakuuara një natë më parë u kthyen në banesë! Qendro: Situata e normalizuar në të gjithë qarkun Tiranë

 

Situata nga moti i keq paraqitet e stabilizuar në bashkinë e Kavajës. Prefekti i Tiranës, Afrim Qedro tha në Report Tv se po merren masat e fundit që në rast të përkeqësimit të situatës metorologjike të mos ketë problematika të tjera. Sa i përket të gjithë qarkut të Tiranës, Qendro tha se gjithçka është në normalizim.

Në 'Studio Live' me gazetarin Arbër Hitaj foli edhe kryebashkiaku i Kavajës, Redian Krali i cili tha se 3 familjet që u evakuuan një natë më parë janë rikthyer në banesat e tyre. Krali theksoi se është përmbytur vetëm një pjesë e vogël e tokave bujqësore, por bashkia ka ndërhyrë hapjen e kanaleve kulluese dhe situata është normalizuar.

"Kemi situatë të stabilizuar. Po merren masat e fundit që në rast të vazhdimit të reshjeve të mos kemi më probleme. Situatë normale në Rrogozhinë, në Tiranë kemi pasur disa rrugë që ka pasur ujë dhe ndonjë pemë të rrëzuar, por ekipet e Bashkisë kanë qenë në terren dhe janë marrë të gjitha masat. në Kamëz kemi situatë normale edhe në Vorë", tha Qendro për Report Tv.

"Kemi pasur ankesa të vogla nga bashkëqytetar, kemi çuar grupet e punës dhe të gjithë janë në terren. Kemi evakuuar 3 familje mbrëmë, ndërsa sot janë kthyer në banesë. Një pjesë e vogël e tokave bujqësore në Lus të vogël. U ndërhy sot në hapjen e kanaleve kulluese dhe situata u normalizua", tha Krali për Report Tv.

Lajmi kryesor:

Moti i keq/ Përmirësohet situata në Lezhë e Shkodër! Mbi 4 mijë hektarë tokë e qindra banesa nën ujë! Janë evakuuar 318 banorë (Video)

SI.E./KT/Shqiptarja.com

TAG:
• studio live