Moti i keq në vend, AHC: Situatë normale në autostradën Milot–Morinë! Drejtuesit të tregohen të kujdesshëm

Vendi është përfshirë nga moti i keq me reshje intensive të shiut, ndërsa në veri situata gjendja paraqitet më problematike. Lidhur me situatën, kompania Albanian Highway Concession ka njoftuar se në autostradën Milot – Morinë, gjendja paraqitet normale dhe pa probleme për qarkullimin e automjeteve, ndërsa i bënë thirrje drejtuesve të lëvizin me shpejtësi të reduktuar dhe të respektojnë sinjalistikën. 

Sipas AHC-së, duke u nisur nga situata aktuale dhe parashikimet për ditët në vazhdim, kompania ka marrë të gjitha masat duke rritur numrin e shërbimeve në mirëmbajtjen e “Rrugës së Kombit”.

“AHC ju bën apel drejtuesve të mjeteve të bëjnë kujdes gjatë udhëtimit të tyre në ”Rrugën e Kombit”:

1.Kërkojme nga përdoruesit e automjeteve të ecin me shpejtësi të reduktuar

2. Të respektojnë sinjalistikën rrugore dhe të kenë kujdes të shtuar për tabelat elektronike dhe mesazhet që ato përcjellin.

3. Të lëvizin me goma dimërore”, thuhet në njoftim.

Lajmi kryesor:

Moti i keq/ Po udhëtonin me makinë në Bogë, zhduken babë e bir, i mori rrjedha! Të hënën kërkime me dron! Rama: 100 efektivë nga Forcat Tokësore drejt Shkodrës (VIDEO)

S.C/Shqiptarja.com

TAG:
• Pjeter Rushaj
• permbytje
• niko peleshi
• ministria e mbrojtjes
• moti i keq