POP 5

Lajmet më të lexuara të 5 minutave të fundit

Kronikë

Moti i keq në Vlorë dhe Durrës, pezullohet deri në fund të nëntorit lundrimi i mjeteve të vogla dhe ato të peshkimit, dallgët deri në 8 ballë

Për shkak të motit të keq që ka përfshirë vendin, që pritet të vijojë edhe javën që vjen ka bërë që autoritetet portale në Vlorë të ndalojnë lundrimin e mjeteve të vogla dhe ato te peshkimit për shkak të dallgëzimit të madh në det.

VLORË-Për shkak të motit të keq që ka përfshirë vendin, që pritet të vijojë edhe javën që vjen ka bërë që autoritetet portale në Vlorë të ndalojnë lundrimin e mjeteve të vogla dhe ato te peshkimit për shkak të dallgëzimit të madh në det.

Udhëtimi i këtyre mjeteve do të jetë i ndaluar deri në fund të muajit nëntor, ku pritet që te këtë edhe një përmirësim të kushteve të motit.  Nga ky urdhër ndalimi i lundrimit nuk janë prekur anijet e pasagjerëve apo anijet e tjera, të cilat nuk kanë asnjë kufizim.

Nga data 26-30 nëntor 2021 dallgëzimi në det mund të shkojë deri në 8 ballë , ndërsa lartësia e dallgëve nga 1.5-3.5 metra.

E njëjta situatë e motit paraqitet edhe në Durrës, ku në autoritetet portale ndaluan lundrimin e mjeteve të vogla të peshkimit. Me vonesë janë nisur gjithashtu edhe 2 tragete drejt Barit, për shkak të erës e cila fryn nga jugu me forcë 8-9 ballë.

Përmirësimi i situatës meteorologjike  të  përkeqësuar në gjirin e Vlorës dhe jashtë  saj  për mjetet  e  vogla lundruese dhe të peshkimit  do të  jetë  mbas  datës  30.11.2021.

Rendit zhvillimet sipas orarit:
Ora 10:20
Shi dhe erë e fortë, porti i Durrësit ndalon lundrimi i mjeteve të vogla dhe ato të peshkimit, nisja dhe mbërrija me vonesë e trageteve të udhëtarëve

Për shkak të reshjeve dhe erës së fortë, autoritetet portale në Durrës kanë ndaluar lundrimin e mjeteve të vogla të peshkimit, ndërsa sipas informacioneve 2 tragete të linjës Durrës-Bari nuk arritën të nisen mbrëmjen e djeshme.

Dy tragetet arritën të niseshin edhe përse me vonesë mëngjesin e sotëm, ndërsa era fryn nga jugu dhe më det të hapur forca është 8-9 ballë.

Moti është me shi dhe me erë dhe pritet të zgjasë disa ditë.

J.GJ./Shqiptarja.com

/J.GJ./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Këshilltari i Trump për sigurinë kombëtare: Ai është i shqetësuar nga përshkallëzimi i konfliktit mes Rusisë dhe Ukrainës

Këshilltari i Trump për sigurinë kombëtare: Ai është i shqetësuar nga përshkallëzimi i konfliktit mes Rusisë dhe Ukrainës

24 Nëntor, 22:57