Moti i keq/ Policia shton prezencën në rrugë, u bën apel shoferëve: Respektoni rregullat për të parandaluar aksidentet

Moti i keq/ Policia shton prezencën në rrugë, u bën apel shoferëve: Respektoni rregullat për të parandaluar aksidentet

1671274390_13703910029619756340887884179426698340132392n770x433.jpg

Policia ka shtuar prezencën e uniformave blu në akset rrugore për shkak të reshjeve të shiut në të gjithë vendin me qëllim parandalimin e aksidenteve.

“Për shkak të motit të keq, në disa segmente rrugore ka prezencë të ujit dhe në këto kushte mund të rritet rreziku i përfshirjes në ngjarje rrugore.

Me qëllim parandalimin e aksidenteve rrugore, Policia e Shtetit ka rritur prezencën e shërbimeve të Policisë, në akset rrugore, duke monitoruar qarkullimin nëpërmjet makinave inteligjente, radarëve automatikë, mjeteve të tjera logjistike, si edhe me mjete të paloguara.

Policia Rrugore apelon për të gjithë drejtuesit e automjeteve dhe motomjeteve, që të respektojnë me rigorozitet sinjalistikën rrugore, të moderojnë shpejtësinë, të vendosin rripin e sigurimit dhe të mos përdorin celularin gjatë drejtimit të automjetit.

Drejtuesit e automjeteve dhe të motomjeteve të ndjekin dhe të zbatojnë me rigorozitet udhëzimet e Policisë Rrugore dhe të telefonojnë në numrin 112, për problematikat që mund të hasin gjatë udhëtimit të vështirësuar për shkak të motit të keq.”- thuhet në njoftimin e policisë.


Lajmi kryesor:

VIDEO/ Situata nga moti i keq, në Lezhë ende qindra hektarë nën ujë! Bllokohet nënkalimi i Fushë-Mamurrasit! Rama: Në monitorim të pandërprerë të situatës


G.MO/Shqiptarja.com
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Të hapur për takime të reja...çfarë thonë yjet për ju sot

Të hapur për takime të reja...çfarë thonë yjet për ju sot