Kukës/ Rrëshqitje dherash në Dragobi, rrezikohen disa banesa! Bllokohet rruga në Shipshan! Ura që lidh lagjen Balshaj me Tropojën e Vjetër në rrezik shembje

Rruga në Tafaj, fshati Shipshan dhe Ura në lagjen Balishaj, në fshatin Tropojë e vjetër

Moti i keq në Kukës ka shkaktuar rrëshqitje të dherave në rrugën që lidh fshatin Shipshan me Tropojën dhe si rezultat kjo rrugë është e bllokuar. Në Dragobi, nga prurjet e përroit rrezikohen disa banesa dhe ura që lidh lagjen Balshaj me fshatin Tropojë e Vjetër. Në Tropojë kanë mbetur pa energji elektrike njësitë administrative Bicaj, Ujmisht, Bushtricë, Grykë-Çajë, Lekbibaj.

Njoftimi i plotë nga Emergjencat Civile:

Situata në Qarkun Kukës deri në orën 16:30 datë 20.11.2022 është si më poshtë:

I gjithë territori I Qarkut Kukës vazhdon të jetë i përfshirë nga reshje shiu me intensitet dhe i shoqëruar me erë të fortë.

Nga informacioni i marrë nga terreni rezulton se

• Rrugët nacionale janë të qarkullueshme normalisht.

•Rrugët bashkia janë të qarkullueshme, përveç rrugës që lidh fshatin Shipshan me rrugën nacionale bashkia Tropojë si rezultat i rrëshqitjes së dherave .

Në fshatin Dragobi si rezultat i prurjeve të mëdha të përroit i shoqëruar me inerte rrezikohen banesat që janë poshtë saj.

Në rrugën që lidh lagjen Balshaj të fshatit Tropojë e Vjetër si rezultat i prurjeve të mëdha të përroit rrezikohet një urë.

•Rezervuaret janë në monitorim në të gjithë Qarkun.

Furnizimi me energji elektrike është normal përveç Nj.Ad Bicaj, Ujmisht, Bushtricë, Grykë-Çajë dhe fshatrat Pistë, Mgull, Qam dhe Gëdheshtë bashkia Kukës, Nj.Ad Lekbibaj bashkia Tropojë.

Furnizimi me ujë të pijshëm është normal.

Lajmi kryesor:

Moti i keq/ Po udhëtonin me makinë në Bogë, zhduken babë e bir, i mori rrjedha! Të hënën kërkime me dron! Rama: 100 efektivë nga Forcat Tokësore drejt Shkodrës (VIDEO)

S.C/Shqiptarja.com

TAG:
• Pjeter Rushaj
• permbytje
• niko peleshi
• ministria e mbrojtjes
• moti i keq