Përmbytjet/ Vlora 'zgjohet' nën ujë, 33 familjet e evakuuara kalojnë natën në konvikt! Dëme në banesa e biznese, disa lagje pa energji

VLORË- Qyteti i Vlorës është zgjuar nën ujë, pasi moti i keq goditi vendin tonë. Situata më alarmante ishte në qarkun e Vlorës ku reshjet intensive të shiut shkaktuan përmbytje të mëdha. 33 familjet e evakuuara kanë kaluar natën larg banesave të tyre, ndërsa Bashkia e Vlorës i strehoi në konvikt. Bëhet fjalë për të paktën 55 persona në total nga 33 familje.

Report Tv sjell sot pamjet nga situata në qytetin e Vlorës, ku rrugë e lagje janë ende nën ujë. Më problematike situata mbetet në disa lagje, ‘Albano dhe Romina’, lagjia ‘Leg Sallat’, lagjia ‘28 nëntori’, zona te Xhamia, zona te Xhamia, lagjja 'Kushtrim', lagja 'Rilindja', 'Skela', 'Pavarësia', rruga ‘Hasan Kushta’ rruga "Gjergj Araniti" aksi pranë Kishës Ortodokse dhe bibliotekës publike si dhe pjesë të bulevardit ‘Ismail Qemali’. Ende nuk ka një bilanc të dëmeve të shkaktuara në biznese e banesa, ndërsa autoritetet vendore pritet të nisin me një analizë.

Vlora dje ishte në pushtetin e ujit, ndërsa çarja e kanalit të ujërave të larta bëri që uji të vërshojë nëpër qytet, lagjet kryesore biznese e banesa duke shkaktuar edhe dëme. Si asnjëherë më parë, të gjitha rrugët e qytetit u pushtuan nga uji dhe lagjet u bllokuan ku niveli i ujit arriti deri 50-60 cm. Uji, si rrjedhë lumenjsh që kalonte nëpër rrugë, mori me vete çfarëdo i doli para, karriget dhe tavolinat e lokaleve, koshat e mbeturinave duke i spostuar në sheshin e Flamurit.

Në ndihmë të bashkisë Agjencia e Kombëtare e Mbrojtjes Civile dhe Forcat e Armatosura, dërguan 2 moto varka, 2 ekipe të pajisur me 2 motopompa, 8 mjete të kalueshmërisë së lartë dhe 30 forca ushtarake. Reshjet pushuan në orën 19:00 por deri në këtë orë sipas autoriteteve, sasia e reshjeve ishte sa prurjet e shirave gjatë vjeshtë-dimër në Vlorë.

Rendit zhvillimet sipas orarit:
Ora 09:43
VIDEO/ Përmbytjet në Vlorë, shihni si dherat kanë bllokuar bypassin e ri drejt Orikumit! I pakalueshëm

Lindja e diellit ka nxjerrë në pah deh dëmet e shkaktuara nga reshjet e shiut dhe rrëshqitja e dherave gjatë pasdites së djeshme në qarkun e Vlorës.

Bajpasi që lidh Vlorë – Kaninë – Orikum është i bllokuar për shkak të rënies massve të dherave nga mali.

Report Tv sjell pamjet ku duket që shembja e dherave është e madhe dhe ka bllokuar rrugën në një masë të konsiderueshme të saj.

 

Ora 08:49
Gazetari i Report Tv raporton situatën pas përmbytjeve në Vlorë: Pritet bilanci i dëmeve, disa lagje ende pa energji elektrike

Bashkia e Vlorës pritet të nisë bilancin e dëmeve pas përmbytjeve të shkaktuara ditën e djeshme pas reshjeve intensive dhe çarjes së kanalit të ujërave të larta. Gazetari i Report Tv, Armand Xhelili ka Vlora raportoi si paraqitet situata ditën e stome.

Dëme të mëdha raportohen në biznese e banesa që janë mbuluar totalisht nga uji, ndërsa në disa lagje dhe rrugë uji nuk është larguar ende. Makinat e qytetarëve shihen nën ujë.

Gazetari Xhelili raporton për disa lagje problematike  ‘Albano dhe Romina’, lagjia ‘Leg Sallat’, lagjia ‘28 nëntori’, zona te Xhamia, zona te Xhamia, lagja 'Rilindja', 'Skela', 'Pavarësia', rruga ‘Hasan Kushta’ rruga "Gjergj Araniti" aksi pranë Kishës Ortodokse dhe bibliotekës publike si dhe pjesë të bulevardit ‘Ismail Qemali’. 

Në lagjen Kushtrimi, banorët kanë qenë duke nxjerrë orenditë nga banesat e përmbytura. Ndërkohë, 33 familje kanë kaluar natën ne konviktin e qytezës studenti dhe atë të shkollës industriale ‘Pavarësia. Në disa lagje energjia vijon të mbetet e stakuar për të mos krijuar probleme pasi në disa kabina ka prezencë uji.

Ora 08:33
VIDEOLAJM/ Përmbytjet në Vlorë, makinat e zhytura nën ujë

Gjithçka nën ujë. Përmbytjet e djeshme në Vlorë kanë lënë pas dëme për banorët e qytetit bregdetar. Rrugët e lagjet janë zgjuar nën pushtetin e ujit.

Në këtë video që sjell Report Tv, dallohen disa rrugë të mbushura ende me ujë, ndërsa mjetet e qytetarëve janë të zhytura nën ujë.

Ora 07:54
PAMJET/ Vlora zgjohet nën ujë, rrugët e lagjet ende të përmbytura

Qyteti i Vlorës është zgjuar nën ujë. Report Tv sjell pamjet nga qyteti i Vlorës, ku duket situata ditën e sotme.

Rrugë e lagje janë ende nën ujë, siç mund të shihni në këtë pamje, për shkak të reshjeve intensive dhe përmbytjeve pasditen e djeshme.  

Ora 07:02
Situata gjatë natës në Vlorë, qytetarët të mbuluar nga uji

 

Report Tv sjell pamjet nga situata e përmbytjeve në qytetin e Vlorës gjatë natës. Siç shihet edhe në pamje, niveli i ujit ka qenë goxha i lartë në lagjen Albano dhe Romina, një prej zonave me problematikave më të madhe.

Në video dallohen edhe qytetarët të mbuluar nga uji, të cilët përpiqen të ecin në zonën e mbushur me ujë. Ndërkohë, një 60-vjeçar që banon në këtë zonë ka kërkuar ndihmë për të marrë oksigjen, por ambulanca ka pasur vështirësi për t’u futur për shkak të situatës.

SI.E./I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Organet e drejtësisë refuzojnë komisionin 'Antikorrupsion', si e vlerësoni?



×

Lajmi i fundit

GOLAT/ Napoli kalon 3-1 Comon dhe shkëputet në krye të Serie A, Verona ‘përmbyt’ Venezian

GOLAT/ Napoli kalon 3-1 Comon dhe shkëputet në krye të Serie A, Verona ‘përmbyt’ Venezian