POP 5

Lajmet më të lexuara të 5 minutave të fundit

Sociale

Muaji i pyllëzimit, nxënësit mbjellin pemë në Vlorë e Dibër

Dhjetori është muaji i pyllëzimit ndaj bashkitë dhe shoqatat të mbështetura me fonde dhe nga ambasada amerikane po mbjellin pemë në zona të njohura historike e turistike, siç është Gjorica në Bulqizë dhe Pylli i Sodës në Vlorë.

Në Gjoricën historike e piktoreske, aty ku 179 vite më parë dibranët zhvilluan betejën e ashpër kundër turqve të komanduar nga Hajredin Pasha, nxënësit e shkollave të mesme mbollën pemë, duke dhënë kontribut në zhvillimin e mjedisit.

“Kemi ardhur këtu për të mbjellë pemë dhe shpresoj mos ta lëmë me kaq”,- tha një nxënëse.

“Sot jemi mbledhur për zhvillimin e aktivitetit të rinjtë në mjedis. Sot kemi vendosur të mbjellim 300 fidanë pisha”,- tregoi një tjetër.

“Vij nga shkolla e Bulqizës. Jemi mbledhur për të mbjellë pemë dhe shpresoj që kjo iniciativë të vazhdojë gjithmonë."

Aktiviteti në kuadër të muajit të pyllëzimit u organizua nga shoqëria civile me financim të Ambasadës Amerikane.

“Sot po mbjellim 300 fidanë pishë në një nga vendet më të bukura dhe historike dhe në zonën e Bulqizës. Është vetëm fillimi i një rrugëtimi të gjatë. Pasohet me aktivitete tjera”,- tha Riges Beqiri, drejtues i shoqatës së mjedisit në Bulqizë.

“Eshtë një ftesë e hapur që të gjithë njerëzit të vijnë të shohin një Bulqizë tjetër që nuk e kanë parë”,- tha Aida Ciro, nga organizata ‘Co-Plan’.

Edhe në Vlorë, nxënësit e shkollave 9-vjeçare iu përgjigjen thirrjes së Bashkisë për të mbjellë 1000 pemë në Pyllin e Sodës, i cili gjatë verës u dëmtua nga zjarret.

“Eshtë shumë me rëndësi sepse është mushkëria e qytetit. 1000 fidanë janë dhuratë nga një biznesmen. Kërkoj nga qytetarët të mos abuzojnë me mjedisin. Po kështu do bëjmë aksione pastrimi me nxënës shkollash”,- tha Ermal Dredha, Kryetar Bashkie.

Pjesëmarrëse në këtë nismë, ministrja e Turizmit, Mirela Kumbaro tha se 2024-ta do të shpallet viti i pyllëzimit.

“Në gjithë këtë territor kemi dy vite e gjysmë që punojmë për pastrimin nga plehrat, të lënë nga qytetarët. Kemi hequr tonelata me plehra. Më vjen mirë që rikthehem këtu për të mbjellë pemë. Vitin 2024 e kemi shpallur vitin e pyjeve",- u shpreh ajo.

Kumbaro kërkoi nga të rinjtë të bëhen promotorë të mbrojtjes së mjedisit.

K.M/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Aksidenti ajror në Kazakistan: Ngushëllime për Azerbajxhanin e Kazakistanin, uroj që paqja të mbizotërojë tek ta

Aksidenti ajror në Kazakistan: Ngushëllime për Azerbajxhanin e Kazakistanin, uroj që paqja të mbizotërojë tek ta

25 Dhjetor, 14:55