Kombëtarja shqiptare e futbollit fitoi 2-0 me Poloninë për grupin E kualifikues të Euro 2024 dhe ka shanset më të mëdha në këtë grup për të shkuar në finalet e "Gjermani 2024". Sipas përllogaritjeve nga "UEFA Rankings" në Twitter, kuqezinjtë e Sylvinhos me 90.52 përqind shkojnë në Europian. Pas tyre Çekia që është e dyta e grupit dhe më pas Polonia, edhe pse skuadra e Fernando Santos ka vetëm gjashtë pikë, katër më pak se Shqipëria kryesuese.
Për t'u theksuar se Çekia e vendit të dytë (8 pikë) ka një ndeshje më pak dhe me një fitore ngjitet në krye, duke lënë kuqezinjtë në vendin e dytë. Nga grupi ynë kalojnë dy skuadrat e renditura të parat.
Shanset e kualifikimit
Me një llogaritje të thjeshtë, kjo nisur edhe nga rezultatet e kundërshtarëve dhe ndeshjet direkte mes tyre, Shqipëria edhe me vetëm tri pikë minimale mund të sigurojë "Euro 2024".
Tre pikë - Edhe nëse Kombëtarja grumbullon tri pikë në ndeshjet e mbetura, sërish ka shanse për t’u kualifikuar, por kjo do të jetë në dorën e kundërshtarëve. Çekia duhet të mposhtë Poloninë dhe Moldavinë, ndërsa polakët të ngecin me një barazim me Ishujt Faroe ose me Moldavinë. Kështu as Polonia dhe as Moldavia nuk do të arrinin 13 pikë, aq sa Shqipëria.
Katër pikë - Nëse në total merren 4 pikë, pra një fitore, një barazim dhe një humbje, sërish shanset për kualifikim janë, pasi kjo varet edhe nga rezultatet që do të marrin polakët dhe çekët dhe ndeshja direkt mes tyre.
Nëse kuqezinjtë marrim më shumë se kaq, shanset rriten edhe më shumë për të qenë për herë të dytë në histori mes 32 skuadrave më të mira të kontinentit.
Shqipëria për kualifikueset e Grupit E ka edhe tre ndeshje për të zhvilluar. Në 12 tetor në "Air Albania" luajmë kundër Çekisë, ndërsa në 17 nëntor udhëtojmë për në Moldavi. Kuqezinjtë mbyllin garën në 20 nëntor kundër Ishujve Faroe në Tiranë. Me tre ndeshje të mbetura, kualifikimin në lojë, vendin e parë dhe dy duele në shtëpi, duket se Kombëtarja ka nisur rezervimin e hotelit në Gjermani.
Renditja
Lajme të tjera
-
Asani vë në alarm Sylvinhon, analiza të detajuara për Ukrainën! Kuqezinjtë stërviten pas ndeshjes me Çekinë
17 Nëntor, 14:31 -
Kapiten Ismajli dhe Ajeti: Meritonim fitoren kundër Çekisë! Tomas Soucek: Në Shqipëri nuk donim të pësonim gol
17 Nëntor, 11:45
-
Liga e Kombeve/ S'ka 'krisma' në Tiranë, Shqipëria dhe Çekia barazojnë 0-0! Grupi B1 i hapur, të martën vjen Ukraina
16 Nëntor, 22:46 -
Liga e Kombeve/ Buzëqesh Shqipëria, Gjeorgjia dhe Ukraina barazojnë 1-1 në Grupin B1
16 Nëntor, 20:04 -
VIDEO/ Territori i Kosovës me flamurin serb nën sytë e Infantinos mes Evropës, Granit Xhaka përleshet me futbollistët e Serbisë! UEFA asnjë masë
16 Nëntor, 17:07 -
Skandali në Rumani/ FFK: Thirrjet raciste 'Kosova është Serbi', e ofendimet të pranishme gjithë ndeshjen, futbollistët mbrojtën dinjitetin e shtetit të tyre! UEFA të veprojë
16 Nëntor, 11:38 -
Sot në 20:45 Shqipëri - Çeki/ 'Blindohet' Tirana, rrugët që bllokohen dhe kontroll për tifozët! Policia tregon planin e masave
16 Nëntor, 07:53 -
Rraklli në Report TV për ndeshjen me Çekinë: Të kalojmë të parët në avantazh dhe të vrasim ndeshjen! Ata luajnë për barazim, Silvinjon e këshilloj që...
15 Nëntor, 19:52 -
Liga e Kombeve/ Nesër sfida me Çekinë në Tiranë, Sylvinho: Kemi 2-3 lojtarë me probleme fizike, tifozët avantazh! Ajeti: Cilësi për Botëror, mos fërshëlleni himnin çek (VIDEO)
15 Nëntor, 17:46 -
Kombëtarja U-21 nuk jep 'Shpresë', Moldavia na barazon 1-1 në Vorë
15 Nëntor, 16:01 -
Defekt në avionin çek, kundërshtarët e Shqipërisë u vonuan me 1 orë në udhëtimin drejt Tiranës
15 Nëntor, 14:52 -
Për herë të fundit në 'Air Albania', pesë futbollistë i japin nesër lamtumirën Kombëtares
15 Nëntor, 13:40
