Afganët po u japin fëmijëve të tyre të uritur ilaçe qetësuese, ndërsa të tjerët kanë shitur vajzat dhe organet e tyre për të mbijetuar. Në dimrin e dytë që kur talebanët morën pushtetin dhe fondet e huaja u ngrinë, miliona njerëz po vuajnë mungesën e ushqimit, raporton BBC.
"Fëmijët tanë vazhdojnë të qajnë dhe ata nuk flenë. Ne nuk kemi ushqim. Kështu që shkojmë në farmaci, marrim tableta dhe ua japim fëmijëve tanë që të ndihen të përgjumur”, tha Abdul Wahab.
Ai jeton pak jashtë Heratit, qyteti i tretë më i madh i vendit, në një vendbanim me mijëra shtëpi të vogla që është rritur gjatë dekadave, të mbushura me njerëz të zhvendosur dhe të goditur nga lufta dhe fatkeqësitë natyrore.
BBC e ka pyetur atë dhe disa të tjerë se sa prej tyre u japin ilaçe qetësuese fëmijëve pët t’i vendosur në gjumë.
Ata u përgjigjën: “Shumë prej nesh, të gjithë ne”.
Një prej tyre nxorri nga xhepi një pako alprazolam, që është një qetësues që është për të trajtuar çrregullimet e ankthit. Ghulam ka gjashtë fëmijë, më i vogli një vjeç, i cili tha se këtë ilaç i’a jep edhe djalit të vogël. Ndërsa të tjerë treguan tableta escilatopram dhe tableta sertraline që thanë se po ua jepnin fëmijëve të tyre.
Mjekët thonë se kur u jepen fëmijëve të vegjël që nuk marrin ushqimin e duhur, ilaçe të tilla mund të shkaktojnë dëmtim të mëlçisë, së bashku me një sërë problemesh të tjera si lodhja kronike, gjumi dhe çrregullime të sjelljes.
Sipas kërkimit të BBC, në një farmaci lokale kanë zbuluar se mund të blinin pesë tableta të barnave që përdoren për 10 afganë (rreth 10 cent amerikan).
OKB-ja ka thënë se një "katastrofë" humanitare po shpaloset tani në Afganistan. Shumica e burrave në zonën jashtë Heratit punojnë si punëtorë me pagë ditore, të cilët kanë vite që bëjnë jetë të vështirë. Rritja marramendëse e normave të kequshqyerjes është dëshmi e ndikimit që uria tashmë ka te fëmijët nën moshën pesë vjeç në Afganistan.
Kudo njerëzit janë të detyruar të marrin masa ekstreme për të shpëtuar familjet e tyre nga uria. Amar është 20 vjeç dhe iu nënshtrua një operacioni për heqjen e veshkës tre muaj më parë, i cili mori rreth 3,100 dollarë, shumica e të cilave u përdorën për të paguar borxhet që kishte marrë hua për të blerë ushqime për familjen e tij.
Shitja e organeve për para nuk është asgjë e re në Afganistan, e cila ka ndodhur edhe para se talibanët të merrnin pushtetin.
Lajme të tjera
-
‘Samiti i Grave Afgane’ në Tiranë, ministri Hasani: Regjimi taleban e ka përkeqësuar situatën, Shqipëria në mbështetje të tyre!
11 Shtator, 10:17 -
Po sikur SHBA të ‘lodhet’ me Kosovën si me Afganistanin?!
31 Gusht, 19:12
-
Gjermania kritikohet për shqyrtimin e dëbimit të afganëve dhe sirianëve
20 Qershor, 18:42 -
Barka me emigrantë përmbyset në brigjet e Kalabrisë, flitet për 65 të zhdukur mes tyre 26 fëmijë
17 Qershor, 19:44 -
OKB: 1000 ditë prej kur talibanët ndaluan arsimin e mesëm për vajzat
13 Qershor, 22:11 -
Qindra të vdekur nga vërshimet në Afganistan
11 Maj, 12:55 -
Shtatë të vrarë nga sulmi në një xhami në Afganistan
30 Prill, 11:04 -
U shpërthen mina duke luajtur, vriten 9 fëmijë në Afganistan
1 Prill, 14:42 -
Talebanët kryejnë ekzekutim publik të dyfishtë, mijëra njerëz mbushin stadiumin për të parë vrasjen e dy burrave
22 Shkurt, 15:35 -
Grave beqare dhe të pashoqëruara u mbyllen të gjitha dyert nën sundimin taleban
2 Shkurt, 08:08 -
Mianmari tejkalon Afganistanin për prodhimin e opiumit
12 Dhjetor 2023, 09:42 -
Më shumë se 400 persona u ndëshkuan me sheriat në Afganistan
1 Dhjetor 2023, 22:56
