Lirohen nga burgu dy personat e arrestuar nga policia si autorë të dyshuar të djegies së qëllimshme të dy makinave të punonjësve të policisë në Elbasan. Briken Rusta dhe Gerti Hysenbelliu ishin dy njerëzit e ndaluar nga policia e qytetit të Elbasanit, si autorët kryesorë të dyshuar, për ngjarjen e 8 janarit 2020, kur në Elbasan, u dogj me benzinë, automjeti i oficerit të policisë Edvin Gjyli.
Gjithashtu të dy personat e arrestuar nga policia dyshohen edhe për ngjarjen e datën 25 dhjetor 2019, ku në Elbasan është djegur automjeti i ish-oficerit të antidrogës në Elbasan Krenar Kaso, që sot është shefi i paraburgimit në burgun e Bradasheshit. Vendimi për lirimin e Briken Rustës dhe Gerti Hysenbelliut është marrë nga gjyqtarja Pajtime Fetahu. Lirimi i dy personave të arrestuar nga policia dhe prokuroria me Elbasanit është kryer për shkak se nuk ishte administruar në dosje analiza e pamjeve filmike, ku dyshohet se shfaqen dy autorët e këtyre dy ngjarjeve kriminale.
Mësohet se në muajin shkurt 2020 gjyqtarja Pajtime Fetahu, kishte caktuar masën e “arrestit në burg” me një afat 20 ditur, për Rustën dhe Hysenbelliun duke caktuar një detyrë për prokurorinë dhe policinë, analizimin e pamjeve filmike. Për shkak se ky raport analizimi nuk ka mbërritur në kohë në adresë të prokurorisë dhe nga ana tjetër ka përfunduar afati 20 ditor i qëndrimit në burg të dy të dyshuarve Rusta dhe Hysenbelliu, gjyqtarja Pajtime Fetahu ka vendosur të lirojë nga qelia të arrestuarit për ngjarjen e 8 janarit 2020 dhe dhjetorit 2019.
Pritet që në ditën në vijim ky vendim të ankimohet nga prokuroria në Gjykatën e Apelit në Durrës. Të dy personat dyshohet se janë paguar dhe shtyrë nga të tjerë për të kryer krimin. Njëri nga personat e liruar Gerti Hysenbelliu rezulton me precedent penalë, pasi disa vite më parë është dënuar në mungesë me 3.6 vite burgim për akuzën e “Plagosjes së rëndë me dashje” në dëm të Elvis.S. në qytetin e Elbasanit.
Edvin Gjyli dhe makina e tij që iu vendos zjarri
Lajme të tjera
-
U filmua duke bërë pazare, gjyqtarja e Elbasanit Pajtime Fetahu ‘sëmuret’ sapo i afrohet Vettingu, jep dorëheqjen dhe nuk paraqitet në seancë
16 Nëntor 2022, 17:41
-
Zvarritën zbardhjen e vendimeve dhe shkelën etikën, ILD vendos të ulë me 40% pagën e 2 gjyqtarëve! Nën hetim 16 magjistratë të tjerë
4 Shtator 2021, 12:04 -
120 magjistratët e radhës në Veting, nga Avni Sejdi i skandalit 'Duty Free' që sfidoi amerikanët tek gjyqtari që liroi ‘mbretin e drogës’ Alket Hatinë
17 Dhjetor 2020, 09:46
-
Nxorrën në media fotot e 17 armëve moderne të kapura në Papër, merret i pandehur një oficer
20 Tetor 2020, 16:30
-
Policia e arreston dy herë, gjyqtarja i jep lirinë shpërndarësit të heroinës
15 Prill 2020, 14:18
-
Shpërndarësi i heroinës u kap me 81 doza drogë, tre ditë pas prangosjes gjyqtarja Fetahu e liron nga qelia
8 Prill 2020, 15:06
