POP 5

Lajmet më të lexuara të 5 minutave të fundit

Sociale

Mungon infrastruktura në ‘Lagjen e Re’ në Kukës, rrugët të pakalueshme! Banorët: Duhen çizme, problem mbeturinat, nuk ka kazanë

Mungesa e infrastrukturës prej vitesh ju ka vështirësuar jetesën më shumë se 1 mijë banorëve të “Lagjes së Re” në qytetin e Kukësit. Rrugët me gropa janë sfidë e përditshme për ta, sidomos në kohë me shi e borë që bëhen të pakalueshme, ndërsa shqetësim konsiderohen edhe grumbujt me mbeturina, pasi në gjithë lagjen mungojnë kazanët.  

E quajnë “Lagjia e Re”, por në realitet nuk duket kështu. Mjafton një ditë shi dhe bore që rrugët me gropa në këtë zonë periferike të qytetit të Kukësit, të bëhen pa kalueshme, jo vetëm për makinat por edhe për banorët.

Banorët thonë se gjatë gjithë dimrit u duhet të veshin çizmet për të lëvizur në rrugë. Më të vështirë e kanë fëmijët e shkollave dhe kopshteve që kalojnë aty çdo ditë.

“Fëmijët mezi shkojnë në shkollë. Të kopshtit. Katastrofë. Me çizme dalin fëmijët, me makina. Kryetari i bashkisë po po do e rregullojmë, por asgjë. Kemi shkuar tek ujësjellësi, por nuk ka rregulluar gjë. Banorë ka rreth 1 mijë. Shikoji fëmijët. Llac”,- tha një banor.

“E shikon vetë. Është skandal”,- u shpreh një tjetër.

Problematikë tjetër është edhe prania e madhe e mbetjeve urbane brenda lagjes për shkak te mungesës së kazanëve të mbeturinave.

“Normale nuk është. Kazanët duhet me i vendos.. Nuk është si në qytet, i rregullt. Duhet me ndërhy bashkia”,- tha një banor.

Në ”Lagjen e Re” në qytetin e Kukësit jetojnë më shumë se 1000 banorë, ndërsa prej vitesh, ary nuk është bërë asnjë investim për përmirësimin e infrastrukturës nga bashkia.

K.M/B.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Zbardhen dëshmitë në gjyq, botuesi: Si përpoqa ta ndihmoja ish-Presidentin të fitonte zgjedhjet në vitin 2016

Zbardhen dëshmitë në gjyq, botuesi: Si përpoqa ta ndihmoja ish-Presidentin të fitonte zgjedhjet në vitin 2016

27 Prill, 07:38