POP 5

Lajmet më të lexuara të 5 minutave të fundit

Bota

Muri i Berlinit ‘ndërron vend’, shpenzohen 18 miliardë euro për mure të rinj në Europë

Që nga viti 1989 disa shtete të kontinentit të vjetër kanë ndërtuar rreth një mijë kilometra ‘mure’, të cilat janë ekuivalente me gjashtë ‘mure të Berlinit’.

Muri i Berlinit ‘ndërron vend’, shpenzohen 18 miliardë euro për mure të rinj në Europë

Kanë kaluar tre dekada nga rënia e murit të Berlinit dhe çdo tullë e hedhur poshtë nga banorët e kryeqytetit gjerman duket se është ngritur përsëri, për të forcuar muret që sot ndajnë disa shtete evropiane. Që nga viti 1989 disa shtete të kontinentit të vjetër kanë ndërtuar rreth një mijë kilometra ‘mure’, të cilat janë ekuivalente me gjashtë ‘mure të Berlinit’.

Këtë ka deklaruar në një raport Institutit Transnacional (TNI), i cili thotë se shumica e mureve janë ndërtuar vitet e fundit, duke filluar nga viti 2015, kur lufta civile Siriane dhe kriza e migrantëve ishin në kulmin e tyre.

"Këtë herë, Europa është e ndarë jo aq shumë nga ideologjia sa nga frika e refugjatëve dhe migrantëve", thuhet në raport.

Barrierat e ndërtuara vitet e fundit janë ato që ndajnë:

Qytetet Ceuta dhe Melilla, enklavat spanjolle, nga Maroku. Turqia nga Greqia dhe Bullgaria. Greqia nga Maqedonia Veriore. Hungaria nga Serbia dhe Kroacia. Rusia nga Letonia, Norvegjia, Estonia dhe Lituania; Calais, në Francë, për emigrantët që përpiqen të nisen për në Angli

Për ndërtimin e këtyre barrierave, sipas (TNI), janë shpenzuar gati 18 miliardë euro.

"Muret e tokës dhe rrethimet në kufijtë europianë janë aspektet më të dukshme të kalasë Europë", thuhet në raporti e TNI.

Për TNI, ‘Gjithçka tregon një forcim të mëtejshëm të mureve të Fortesës Europë". Kjo nga ana tjetër bën që refugjatët dhe emigrantët "të marrin rreziqe më të mëdha për të kapërcyer kufijtë në mënyrë të paligjshme në rrethana katastrofike”.

"Muri i Berlinit", -thuhet në raport, - është ende i ngritur dhe gjashtë herë më i gjatë, vetëm se ka ndryshuar vend.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça