Murrizi: Të falen gjobat gjatë kohës së pandemisë për drejtuesit e mjeteve

 

Duke folur për ndryshimet në Kodin Rrugor, deputeti i opozitës në Kuvend, Myslim Murrizi, propozoi sot në Kuvend që të falën gjobat e marra gjatë pandemisë për drejtuesit e mjeteve që nuk respektuan dot orën policore se çuan njerëz në spitale.

“Ndryshimet që bëhen në kodin rrugor unë do të isha dakord që të kishim një kod të ri rrugor, një kod të BE që Shqipëria aspiron. Edhe kodet e tjera, jemi mësuar të bëjmë arnime sipas momentit. Ajo që shoh në këtë kod rrugor është ngritja e masave ndëshkuese, gati dyfish i disa kuntravajtave. Ulja e numrit të aksidenteve nuk bëhet me aksione apo me fushata. Gjatë fushatës elektorale asnjë polic në rrugë, asnjë dylbi, asnjë kamer. Pas procesit të votimit, aksion  i madh në çdo aks rrugor, policë që fshihen pas ferrave. Meqë jemi të kodi rrugor ftoj mazhorancën të merrte një nismë dhe të falte gjobat gjatë pandemisë dhe kthimin e patentave të atyre personave që janë penalizuar për dërgesë në spital të hallexhinjve që nuk kanë korresponduar me orën policore. Do të ishte mirë që të gjitha lejet e drejtimit të pezulluara për këtë shkak , të vinte një nismë ligjore për amnisti. Edhe unë jam dakord që kodi rrugor të jetë i përqasur. Do të doja të ishte një kod i BE por gjithsesi shpreh votën time pro dhe pres nga mazhoranca për të dërguar një amendament për të falur gjobat gjatë pandemisë", tha ndër të tjera Murrizi. 


Lajmi kryesor:

Miratohet Kodi i ri Rrugor, i hap rrugën rifillimit të kolaudimit! Hysi: Masa të rrepta për shkelësit në rrugë! Murrizi: Falni gjobat e vendosura në pandemi


K.T./r.k./Shqiptarja.com
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Rusia sërish kërkon debat në Këshillin e Sigurimit mbi ndërhyrjen e NATO-s në Kosovë

Rusia sërish kërkon debat në Këshillin e Sigurimit mbi ndërhyrjen e NATO-s në Kosovë