Receta

Musaka me patate dhe kungull nga zonja Vjollca

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08 : 45 – 10 : 00.

Redaksia 11 Maj 2020, 10:41 | Përditesimi: 11 Maj 2020, 11:29

Musaka me patate dhe kungull

Përbërësit:

2 qepë

LEXO EDHE:
Tavë me lakër arme dhe kimë nga zonja Albana

2 thelpinj hudhra

400 gr mish i grirë

1 filxhan kafe pure domate

400 gr domate

Rigon

800 gr patate

600 gr kungull i njomë

1 tufë majdanoz

Kripë dhe piper i zi

200 gr djathë i bardhë

Vaj ulliri

Beshameli:

40 gr gjalp

40 gr miell

400 gr qumësht

Arrëmoskat

Përgatitja:

Fillimisht presim dhe qërojmë patatet në feta të holla. I vendosim njëra pas tjetrës në nje tepsi ku shtrojmë letër pjekje, i spërkasim me pak vaj ulliri (3 lugë gjelle) dhe i vendosim në furrë në temperaturë 220 gradë Celsius për 10 minuta. Pasi i nxjerrim nga furra, i spërkasim pak me kripë.

Ndërkohë qepën të prerë në kubikë të vegjël e kaurdisim së bashku me hudhrat dhe pak vaj ulliri, i përziejmë për 3 minuta duke shtuar mishin e grirë, i përziejmë së bashku derisa mishi të skuqet, shtojmë salcën e domates dhe më pas domaten e qëruar, shtojmë rigon dhe i lëmë të ziejë dhe 10 minuta.

Ndërkohë pastrojmë kungujt dhe i presim në feta. Shtojmë majdanozin në tiganin me kimë.

Rregullojmë shijen e kimës me kripë dhe piper të zi dhe shtojmë 2 lugë gjelle lëng limoni.

Në një tepsi të lyer me pak vaj vendosim si bazë fetat me patate, vendosim mbi patatet, mbi patatet shtojmë kimën dhe kimën e mbulojmë me fetat e kungullit. Shtojmë djathin e thërrmuar, sërish patate dhe pak salcë.

Shkrijmë gjalpin, kaurdisim miellin dhe qumështin, e lëmë të ziejë, shtojmë kripë dhe arrëmoskat dhe më pas mbuloë shtresën e fundit të patates me salcën e beshamelit. Vendosim tepsinë në furrë në temperaturë 180 gradë Celsius për 40 minuta.

D.M./Shqiptarja.com

TAG: