POP 5

Lajmet më të lexuara të 5 minutave të fundit

Arkiva

Mustafa me diplomatët: Po punojmë që të ofrojmë një alternativë të re qeverisëse

PRISHTINË,  27 Qershor /ATSH-B.Jashari/.-Kryetari i Lidhjes Demokratike të Kosovës, Isa Mustafa bën të ditur se sot në takime me diplomatë në Prishtinë i ka njofuar për angazhimet e koalicionit paszgjedhor për një alternativë të re qeverisëse. “ Sot isha në takim te ambasadorja e SHBA, Tracey Ann Jacobson, takova ambasadorin e Gjermanisë, dr. Peter Blomeyer, […]
PRISHTINË,  27 Qershor /ATSH-B.Jashari/.-Kryetari i Lidhjes Demokratike të Kosovës, Isa Mustafa bën të ditur se sot në takime me diplomatë në Prishtinë i ka njofuar për angazhimet e koalicionit paszgjedhor për një alternativë të re qeverisëse.
" Sot isha në takim te ambasadorja e SHBA, Tracey Ann Jacobson, takova ambasadorin e Gjermanisë, dr. Peter Blomeyer, po ashtu takova edhe ambasadoren e Greqisë, Constantina Athanassiadou. I njoftova se po punojmë që të ofrojmë një alternativë të re qeverisëse, se qeveria e ardhshme, e cila buron nga marrëveshja LDK, AAK dhe Nisma do të ofroj zhvillim ekonomik, ulje të papunësisë, ndërtim të shtetit ligjor dhe luftë kundër korrupsionit", shkruan ai në Facebook.
"I sigurova se ne do ta kultivojmë partneritetin me SHBA dhe Bashkimin Evropian dhe se do të vazhdojmë me dialogun, i cili do të fokusohet në interes të vendit tonë, si formë e vetme e ndërtimit të marrëdhënieve me fqinjët, kurse zhvillimi i ekonomisë së tregut dhe sektorit privat do të jenë bazë e orientimit tonë zhvillimor", thekson kreu i LDK-së.
Liderët e koalicionit paszgjedhor të dy partive të opozitës, Isa Mustafa i Lidhjes Demokratike të Kosovës e  Ramush Haradinaj i Aleancës për Ardhmërinë e Kosovës dhe Fatmir Limaj i subjektit të ri politik Nisma, kanë zhvilluar sot një takim me synim realizimin e marrëveshjes së tyre për formimin e qeverisë së re, me mbështetjen e kushtëzuar nga Lëvizja Vetëvendosje e udhëhequr nga Albin Kurti.
KQZ i Kosovës ka shpallur dje  rezultatet përfundimtare të zgjedhjeve të parakohshme parlamentare të 8 qershorit, çertifikimi i të cilave paralajmërohet se do bëhet brenda një jave.

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mijëra njerëz protestojnë kundër konventës së partisë së ekstremit të djathtë në Gjermani

11 Janar, 18:40