POP 5

Lajmet më të lexuara të 5 minutave të fundit

Kronikë

Muxhahedinët në Shqipëri,
qeveria nuk ka reagim
Deputeti iranian: Kujdes Tirana!

Ministria e Jashtme dhe ajo e Brendshme, “ping-pong” me njëra-tjetrën, në lidhje me reagimin e mundshëm ndaj deklaratës së deputetit iranian, Baqer Hosseini Seyed i cili deklaroi se "Tirana mund të ketë pasoja nga muxhahedinët, të cilëve u ofroi strehimin politik”. (Në foto muxhahedinët në Tiranë)
Tre pyetje dhe tre pergjigje rreth debatit për muxhahedinët
TIRANE - Një ditë pas mbërritjes së 14 muxhahedinëve të parë në Shqipëri, ndërsa pritet që të mbërrijë dhe pjesa tjetër brenda muajit maj, reagimi i parë erdhi nga Irani. Një anëtar i bordit Kryesues të Parlamentit iranian, Baqer Hosseini Seyed, paralajmëroi Tiranën zyrtare në lidhje me pasojat negative, që mund të vijnë nga prezenca e anëtarëve të organizatës Mojahedin-e-Khalq (MKO).

Megjithëse lajmi i deklaratave nga Irani mori dhenë, Tirana zyrtare nuk pati asnjë koment apo reagim ndaj deklaratave të Seyed. Të paktën, për të mbrojtur vendimin e Këshillit të Ministrave për dhënien e azilit ndaj 210 muxhahedinëve. Të pyetura në lidhje me ndonjë koment apo reagim zyrtar të mundshëm, dy ministritë shqiptare, Ministria e Jashtme dhe ajo e Brendshme, ia kanë kaluar përgjegjësinë njëra-tjetrës.

Burime nga mininistria e Jashtme dhe ministria e Brendshme nuk deklarojnë asgjë. 

14 muxhahedinët e parë mbërritën pak ditë më parë nga kampi "Ashraf" i Irakut, për t’u strehuar në Qendrën e Azilkërkuesve në Tiranë. Ata janë 10 meshkuj dhe 4 femra, të cilët nga qeveria shqiptare do të trajtohen si azikërkërkues dhe një përfaqësues i organizatës së Kombeve të Bashkuara do të përfundojnë procedurat ligjore.

Lajmi për mbërritjen e 14 muxhahedinëve në Shqipëri fillimisht u bë publik në faqen zyrtare të OKB-së dhe vetëm mbrëmjen e 16 majit, Ministria e Brendshme konfirmoi mbërritjen e tyre në Shqipëri. Ndërsa burime të tjera nga Ministria e Brendshme pohuan dje, se "pjesa tjetër e muxhaedinëve, që ndodhen në kampin "Ashraf" në Irak, do të mbërrijnë brenda muajit maj".

Më 16 mars, qeveria vendosi të pranojë kërkesën për strehimin në Shqipëri të 210 muxhahedinëve. Vendimi i qeverisë shqiptare është përshëndetur nga shumë vende të botës, ku Departamenti Amerikan i Shtetit, ka falënderuar qeverinë shqiptare për kërkesën e dhënies së azilit të 210 personave muxhahedinë.

Gjithashtu, vendimi i 16 marsit është përshëndetur edhe nga drejtuesi i Kombeve të Bashkuara, Ban Ki Moon. Madje ky i fundit, e quajti vendimin e qeverisë shqiptare, si një veprim që duhet të merret shembull edhe nga vendet e tjera të OKB-së.

Shkrimi u botua sot në gazetën Shqiptarja.com (print) 21.05.2013

Redaksia Online
(b.m/shqiptarja.com)

/Shqiptarja.com
  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

KPA lë në fuqi shkarkimin e gjyqtarit të Gjykatës Administrative të Vlorës Ken Dhima

KPA lë në fuqi shkarkimin e gjyqtarit të Gjykatës Administrative të Vlorës Ken Dhima

16 Janar, 17:44