Përmes një ceremonie organizuar dje nga Bashkia e Kamzës, është nderuar Ibrahim Basha, efektivi që humbi jetën në Lazarat. Kreu i Bashkisë, Xhelal Mziu e ka cilësuar 2015-ën si një vit të suksesshëm, teksa u shpreh se edhe ai u riciklua në zgjedhjet lokale të 21 qershorit. Mziu ka shtuar gjithashtu se Kamza është dhe qyteti i pestë më i madh në Shqipëri, me shtimin në të, të zonës së Paskuqanit.  “Ky qytet ka nevojë për kontributin e të gjithëve, ka nevojë për të gjitha faktorët që janë këtu sot, ka nevojë për të gjitha ato energji pozitive pa të cilat Kamza nuk do të ishte ajo që është sot”, shtoi ai.