Mziu në tregun ushqimor në Dibër: 20 milionë lek shpenzim për një godinë që nuk funksionon, rrezikon seriozisht shëndetin dhe jetën e banorëve

Drejtuesi politik i Qarkut të Dibrës Xhelal Mziu ishte në tregun e frutave perimeve, prodhime bio të zonës por të cilat shiten në kushte skandaloze, mes baltës dhe pluhurit.

Tregtarët thonë se shteti nuk ka investuar për një treg sipas kushteve të përshtatshme higjienike.

"Mbylli tregun, mbylli markatën, mbylli thertoren dhe sot tregtohet në rrugë, apo edhe më keq tregtarët nuk vijnë në një treg "rrugë" ku nuk mund të blihet. Pak kohë më parë bashkia ka investuar rreth 20 mil.lekë në një ndërtesë vetëm për ta lyer me gëlqere, por pa plotësuar asnjë kusht për të tregtuar në të.

LEXO EDHE:
Dibër/ Kaloi kufirin me para të padeklaruara, nis hetimi për 29-vjeçarin! Sekuestrohen 10 mijë euro, 1 mln lekë të vjetra

Kjo situatë ku mungon tregu, mungojnë pikat e grumbillimit, mungojnë frigoriferët, mungon shteti, fermerët kanë marrë masa ekstreme duke i prerë pemët, pasi prodhimet kalben dhe hidhen përrenjve", tha Xhelal Mziu.

M.Q.//Shqiptarja.com

TAG:
• xhelal mziu
• Diber
• Fushate elektorale
• zgjedhjet parlamentare 2021