POP 5

Lajmet më të lexuara të 5 minutave të fundit

Arkiva

Nëna e viktimës i shpëton jetën në
moment të fundit të dënuarit me vdekje

Ekzekutimi i një personi që ka vrarë më thikë një të ri në Iran është ndaluar minutën e fundit nga prindërit e viktimës. Shtatë vjet më parë Balal, i cili është në të 20-tat e tij goditi me thikë një 18- vjeçar.
IRAN- Ekzekutimi i një personi që ka vrarë më thikë një të ri në Iran është ndaluar minutën e fundit nga prindërit e viktimës. Shtatë vjet më parë i dënuari me vdekje Balal, i cili ishte në të 20-tat e tij, goditi me thikë një 18- vjeçar, Abdullah Hosseinzadeh gjatë një përleshje në një rrugë në qytetit të vogël Royan, në krahinën veriore të Mazandaran.
 
Mediat e huaja japin disa fotografi, ku vrasësit i ishte vendosur litari në qafë, gati për varje që u ndërpre minutën e fundi kur nëna e 18-vjeçarit të vrarë iu afrua, i dha disa shuplaka dhe ia kurseu jetën.
iran
 (Momenti kur prindërit e viktimës ia hoqën litarin nga qafa)

Kur ia vendosën litarin në qafë, Balal me siguri ishte duke menduar se po merrte frymën e fundit. Një turmë madhe ishte mbledhur rreth vendit ku do të bëhej varja, ku panë se si rojet e shtynë atë drejt vendit të vdekjes në Republikën Islamike të Iranit.
 
Ligji në Iran detyron që familjet e viktimës të jenë të pranishëm dhe të shtyjnë karrigen në të cilën qëndron autori që i ka marrë jetën të afërmit të tyre. Por ajo që ndodhi dje, shkruan “The Guardian” shënoi një gjë e rrallë në ekzekutimet publike në Iran, që është vendi më numrin më të madh të dënimeve me vdekje pas Kinës.

Nëna e viktimës iu afrua, i dha disa shuplaka dhe më pas vendosi të fali autorin që ia mori jetën 18-vjeçarit. Pas kësaj, ka qenë babai i viktimës që ia ka hequr litarin nga qafa dhe jeta e të dënuarit u kursye.
iran
(Nëna e 18-vjeçarit i jep shuplaka dhe e fal të dënuarin)
 
Vitet e fundit Irani ka marrë kritika të shumta nga aktivistët e të drejtave të njeriut për normën e lartë të ekzekutimeve.
 
Sipas Amnisty këtë vit besohet se janë kryer 199 ekzekutime në Iran, që do të thotë 2 ekzekutime në një ditë.
irani
(Dy nënat, të viktimës dhe të dënuarit)
 
Të paktën 369 ekzekutime janë njohur zyrtarisht nga autoritetet iraniane në vitin 2013, por Amnesty tregon për qindra të tjerë që janë vrarë në fshehtësi. Sipas Amnisty numri real tejkalon shifrën 700.

Redaksia online
(esh/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03